माजी आमदार मा. शहाजीबापू पाटील यांना विधान परिषदेवर संधी द्या; शिवसैनिकांची मागणी अधिक तीव्र

माजी आमदार मा. शहाजीबापू पाटील यांना विधान परिषदेवर संधी द्या; शिवसैनिकांची मागणी अधिक तीव्र

सांगोला: पश्चिम महाराष्ट्रातील शिवसेना पदाधिकारी आणि शिवसैनिकांकडून

 मा.आ. शहाजीबापू पाटील यांना विधान परिषदेवर आमदार म्हणून संधी देण्याची मागणी आता अधिक जोर धरत आहे. 

अलीकडेच पार पडलेल्या स्वराज्य संस्थांच्या निवडणुकांमध्ये त्यांनी बजावलेली

 महत्त्वाची भूमिका आणि प्रभावी नेतृत्वामुळे पक्ष संघटना अधिक भक्कम झाल्याचे दिसून आले आहे.

विशेष म्हणजे, या निवडणुकांमध्ये शहाजीबापूंनी स्टार प्रचारक म्हणून जबाबदारी पार पाडत विविध भागांत प्रचार सभा घेतल्या. 

त्यांच्या ओघवत्या शैलीतील भाषणांमुळे आणि थेट जनतेशी संवाद साधण्याच्या पद्धतीमुळे शिवसेनेला मोठा प्रतिसाद मिळाला.

 अनेक ठिकाणी पक्षाच्या उमेदवारांना याचा थेट फायदा झाल्याचे पदाधिकाऱ्यांचे मत आहे.

यासोबतच, शहाजीबापूंनी आखलेली अचूक रणनीती, कार्यकर्त्यांशी सातत्याने ठेवलेला 

संपर्क आणि स्थानिक पातळीवरील मजबूत संघटन कौशल्यामुळे शिवसेनेला लक्षणीय यश मिळाले.

 ग्रामीण भागात पक्षाची पकड वाढवण्यात त्यांचा मोठा वाटा असल्याचेही स्पष्ट झाले आहे. 

त्यामुळे कार्यकर्त्यांमध्ये उत्साहाचे वातावरण निर्माण झाले असून, त्यांच्या नेतृत्वावर विश्वास अधिक दृढ झाला आहे.

पश्चिम महाराष्ट्रातील विविध तालुका व जिल्हास्तरीय पदाधिकाऱ्यांनी पक्षश्रेष्ठींना निवेदन देत, 

“शहाजीबापूंना विधान परिषदेत पाठवावे,” अशी जोरदार मागणी केली आहे. 

त्यांच्या अनुभवी नेतृत्वाचा उपयोग राज्य पातळीवर होईल आणि पक्ष अधिक मजबूत बनेल, असे अनेक शिवसैनिकांचे मत आहे.

दरम्यान, आगामी राजकीय घडामोडींच्या पार्श्वभूमीवर या मागणीकडे पक्ष नेतृत्व कशा प्रकारे पाहते, याकडे सर्वांचे लक्ष लागले आहे. 

शहाजीबापूंना संधी मिळाल्यास पश्चिम महाराष्ट्रातील शिवसैनिकांना नवी उर्जा मिळेल, अशी अपेक्षा व्यक्त केली जात आहे.