सांगोल्यात वाहतूक कोंडीबाबत न. प. ची समन्वयाची भूमिका छत्रपती शिवाजी महाराज चौक येथील वाहतूक कोंडी: जुन्या बाजारपेठेतील दुकाने हटविण्यात येणार

 सांगोल्यात वाहतूक कोंडीबाबत न. प. ची समन्वयाची भूमिका छत्रपती शिवाजी महाराज चौक येथील वाहतूक कोंडी:

जुन्या बाजारपेठेतील दुकाने हटविण्यात येणार

सांगोला :  शहरातील छत्रपती शिवाजी

 महाराज चौक येथील वाहतूक कोंडीच्या समस्येवर मुख्याधिकाऱ्यांनी समन्वयाची भूमिका घेतली आहे. सांगोला शहरातील जुन्या बाजारपेठेतील जी दुकाने काढण्यात आली, त्यांना पर्यायी योग्य जागा देण्याची भूमिका सांगोला नगरपालिका प्रशासनाने घेतली.

 विनाकारण लहान व्यापारी व व्यावसायिक यांनाही त्रास होणार नाही आणि शहरात बेशिस्तपणा वाढणार नाही याची दक्षता घेणे गरजेचे आहे. शेवटी लहान व्यापारी यांचाही उदरनिर्वाह व्यवसायावर चालतो. त्यामुळे त्यांचाही विचार करणे आवश्यक आहे. याप्रकरणीनगरपालिका प्रशासनाने सर्वांच्या समन्वयातून व चर्चेतून प्रश्न मार्गी लावण्याची भूमिका घेतली आहे.

राज्यशासनामार्फत निर्गमित पथविक्रेता महाराष्ट्र योजना, २०१७ नुसार पथविक्रेते यांना व्यवसायकरण्यासाठी पोषक वातावरण पुरवणे व त्यास चालना देणे, हा याचा मुख्य उद्देश आहे. या प्रचलित धोरणास अनुसरुन वाहतुकीस व रहदारीस अडथळा न होता छोटे व्यावसायिक व संबंधित व्यापाऱ्यांनी याबाबत दक्षता घेणे आवश्यक आहे.

 शहरातील छोटेव्यावसायिक व व्यापारी यांचे दैनंदिन व्यवसाय व्यवस्थित सुरू ठेवण्यासाठी इतर पर्यायी व्यवस्था किंवा नगरपरिषदेने ठरवून दिलेल्या नियमांचे पालन करून रोजच्या वापराच्या जागेत व्यवसाय सुरू ठेवण्याबाबत उपाययोजना करण्यात येतील.

शहरातील सर्व व्यवसाय सुरळीत चालावेत. नागरिकांना शहरात विनावर्दळ वावरता यावे, वाहतूक व रहदारीस कोणत्याही प्रकारचा अडथळा निर्माण न होता सर्वांना एक प्रकारची शिस्त लागावी,

 शहरातील तसेच बाहेरून येणाऱ्या व्यावसायिकांना शहरात व्यवसाय करणे सुलभ व्हावे, यासाठी नगरपालिका पथविक्रेता महाराष्ट्र योजना, २०१७ धोरणाची प्रभावी अंमलबजावणी करण्यासाठी नगरपालिका नेहमी प्रयत्नशील राहील.

 - डॉ. सुधीर गवळी - मुख्याधिकारी