पुणे, सोलापूरसह अन्य महापालिकांची निवडणूक कधी ?
राज्यातील स्थानिक स्वराज्य संस्थांच्या निवडणुकांची पुढील सुनावणी फेब्रुवारीच्या पहिल्या आठवड्यात होणार आहे. काल यावर सुनावणी होणे अपेक्षित होते.
मात्र ही सुनावणी होऊ शकली नाही. पुढील सुनावणीसाठी बुधवारी न्यायालयाकडे वेळ मागण्यात आला. यावर फेब्रुवारीच्या पहिल्या आठवड्यात सुनावणी होईल, असे न्यायालयाने स्पष्ट केले. 2021 मध्ये महाविकास आघाडी सरकारने स्थानिक स्वराज्य संस्थ्यांच्या सदस्य संख्येत वाढ केली होती.
92 नगरपालिका आणि स्थानिक स्वराज्य संस्थेच्या संदर्भात राज्य निवडणूक आयोगाने प्रभागरचना, आरक्षण तसेच मतदार यांदीची कार्यवाही वाढीव सदस्य संख्येच्या आधारावर पूर्ण केली होती. मात्र 4 ऑगस्ट 2022 रोजीच्या आदेशाद्वारे सदस्य संख्येतील वाढ, निवडणूक आयोगाने केलेली प्रभाग रचना, आरक्षण तसेच मतदार यादीची कार्यवाही राज्य शासनाने रद्द केली.
त्यामुळे सर्व स्थानिक स्वराज्य संस्थांच्या निवडणुका प्रलंबित आहेत. मागील चार ते पाच वेळेस सुप्रीम कोर्टात सुनावणी होऊ शकली नव्हती. अखेर पुढील सुनावणीसाठी फेब्रुवारीच्या पहिल्या आठवड्यातील तारीख निश्चित करण्यात येणार आहे. मुदत संपलेल्या जिल्हा परिषदा- अमरावती, चंद्रपूर, सातारा, जालना,
रत्नागिरी, बीड, कोल्हापूर, परभणी, उस्मानाबाद, हिंगोली, सांगली, सिंधुदुर्ग, पुणे, नांदेड, बुलढाणा, औरंगाबाद, वर्धा, लातूर, नाशिक, जळगाव, सोलापूर, नगर, यवतमाळ, रायगड, गडचिरोली मुदत संपलेल्या महापालिका- औरंगाबाद, नवी मुंबई, वसई-विरार,
कल्याण-डोंबिवली आणि कोल्हापूर या पाच महापालिकांची मुदत 2020 मध्येच संपल्याने येथे प्रशासक नेमण्यात आले आहेत, तर बृहन्मुंबई महापालिका, ठाणे, उल्हासनगर, नाशिक, पुणे, पिंपरी-चिंचवड, सोलापूर, अमरावती, अकोला, नागपूर, चंद्रपूर अशा महापालिकांची मुदत 2022 मध्ये संपली आहे.
0 Comments