सांगोला तालुक्यात बेकायदेशीर विटभट्ट्या एकही परवाना धारक विटभट्टी नाही. सुरू असलेल्या सर्व विटभट्ट्या बेकायदेशीर..
सांगोला तालुका/प्रतिनिधी ; सांगोला तालुक्यामध्ये अनेक ठिकाणी विनापरवाना विटभट्ट्या सुरू आहेत. या वीटभट्ट्यासाठी लागणा-या मातीचे विनापरवाना मोठ्या प्रमाणावर उत्खनन होत आहे.
त्यामुळे सरकारचा कोट्यवधीचा महसूल बुडाला आहे. या शिवाय या वीटभट्ट्यांमुळे मोठ्या प्रमाणात प्रदूषण होत असून नागरिकांच्या आरोग्याशी हा खेळ सुरू आहे. कोणीही प्रदूषण नियंत्रण मंडळाची परावनगी घेतलेली नाही.
या राजरोसपणे विनापरवाना सुरू असलेल्या विटभट्याकडे तहसीलदार , मंडलाधिकारी,व तलाठी हे जाणीव पुर्वक दुर्लक्ष करत आहेत. संदर्भात तहसील कार्यालयामध्ये माहिती मागणी केली असता सांगोला तालुक्यात एकही परवानाधारक विटभट्टी नाही, अशी माहिती देण्यात आली आहे.
या वीटभट्ट्या सुरू करण्यासाठी अनेक प्रकारच्या परवानग्या घेणे आवश्यक असते. यामध्ये सर्वांत महत्त्वाचे म्हणजे प्रदूषण नियंत्रण मंडळाची परवानगी आवश्यक आहे.
या शिवाय या वीटभट्ट्यांसाठी मोठ्या प्रमाणात माती लागते ही माती उत्खनन करण्यासाठी तहसील कार्यालयामध्ये त्याची रॉयल्टी भरून परवानगी घेणे आवश्यक असते मात्र, अशी परवानगी कोणीच घेतलेली नाही व मोठ्या प्रमाणावर माती उत्खनन केले जात आहे.
यामुळे सरकारचा लाखो रुपयांचा महसूल बुडाला आहे. या शिवाय विटा तयार झाल्यावर त्याचा वाहतूक परवाना घेणे आवश्यक असते. कारण वीट वाहतूक करणारे ट्रक हे अवजड असतात यांच्यामुळे रस्त्याचे नुकसान होते.
तसेच अपघातही होतात. यामुळे याची वाहतूक परवानगी घेणे बंधनकारक असते मात्र, तशी परावनगीही घेतली जात नाही. अनेक वेळा या विटांची ज्या वाहनामधून वाहतूक होताना दिसते त्यांना अशी वाहतूक करण्यास परवानगी नसते,परंतु ते विटभरुन विनापरवाना वाहतूक करत आहेत.
या सर्व वीटभट्ट्या असो किंवा नदीपात्रातील बेकायदा वाळूउपसा असो, याची इत्यंभूत माहिती गावकामगार तलाठ्यांना असते; मात्र, ते कधीच कारवाई करीत नाहीत किंवा वरिष्ठांनाही माहिती देत नाहीत. याचे कारण ‘सबका साथ सबका विकास’ या धोरणाप्रमाणे सर्व सुरळीत सुरू आहे.
त्यामुळे कारवाई करणार कशी. असा प्रश्न उपस्थित केला जात आहे. त्यामुळे तालुक्यात विनापरवाना राजरोसपणे सुरू असलेल्या या विटभट्ट्या वर महसूल प्रशासन कधी आणि कोणत्या प्रकारची कारवाई करते ते पहाणे अवश्यक आहे.
0 Comments