सांगोला तालुका शेतकरी शिक्षण प्रसारक मंडळाकडून गुणवंत विद्यार्थ्यांचा भव्य गौरव दहावी, बारावी, MHT-CET, शिष्यवृत्ती व स्पर्धा परीक्षेतील यशस्वी विद्यार्थ्यांचा सत्कार संस्थाध्यक्ष डॉ. अनिकेत देशमुख

सांगोला तालुका शेतकरी शिक्षण प्रसारक मंडळाकडून गुणवंत विद्यार्थ्यांचा भव्य गौरव दहावी, बारावी, MHT-CET, शिष्यवृत्ती व स्पर्धा परीक्षेतील यशस्वी विद्यार्थ्यांचा सत्कार संस्थाध्यक्ष डॉ. अनिकेत देशमुख

सांगोला | प्रतिनिधी सांगोला तालुका शेतकरी शिक्षण प्रसारक मंडळाच्या वतीने दहावी, बारावी, MHT-CET, शिष्यवृत्ती परीक्षा तसेच

 विविध स्पर्धा परीक्षांमध्ये उल्लेखनीय यश संपादन केलेल्या गुणवंत विद्यार्थ्यांचा गौरव सोहळा उत्साहपूर्ण वातावरणात पार पडला.

 विद्यार्थ्यांच्या गुणवत्तेचा सन्मान करून त्यांना पुढील शैक्षणिक वाटचालीसाठी प्रेरणा देण्याच्या उद्देशाने या कार्यक्रमाचे आयोजन करण्यात आले होते.

कार्यक्रमाच्या अध्यक्षस्थानी संस्थाध्यक्ष डॉ. अनिकेत देशमुख हे उपस्थित होते. आपल्या अध्यक्षीय भाषणात त्यांनी विद्यार्थ्यांना मोठी स्वप्ने पाहण्याचा आणि

 ती पूर्ण करण्यासाठी सातत्यपूर्ण परिश्रम, शिस्त व आत्मविश्वास या त्रिसूत्रीचा अवलंब करण्याचा संदेश दिला. गुणवंत विद्यार्थ्यांचा सन्मान हा इतर विद्यार्थ्यांसाठी प्रेरणादायी ठरत असल्याचे त्यांनी नमूद केले.

यावेळी संस्था सचिव विठ्ठलराव शिंदे यांनी विद्यार्थ्यांचे अभिनंदन करत गुणवत्तापूर्ण शिक्षण, स्पर्धा परीक्षांची तयारी 

आणि कौशल्य विकासाचे महत्त्व अधोरेखित केले. विद्यार्थ्यांनी शिक्षणासोबत व्यक्तिमत्त्व विकासावर भर देत उज्ज्वल भविष्य घडवावे, असे आवाहन त्यांनी केले.

समारंभात दहावी, बारावी, MHT-CET, शिष्यवृत्ती तसेच विविध स्पर्धा परीक्षांमध्ये यशस्वी ठरलेल्या विद्यार्थ्यांचा मान्यवरांच्या हस्ते 

पुष्पगुच्छ, सन्मानचिन्ह आणि प्रशस्तीपत्र देऊन गौरव करण्यात आला. विद्यार्थ्यांच्या यशाबद्दल पालक, शिक्षक आणि उपस्थितांनी टाळ्यांच्या कडकडाटात त्यांचे अभिनंदन केले.

शिक्षक, पालक, विद्यार्थी आणि शिक्षणप्रेमी नागरिकांच्या उत्स्फूर्त उपस्थितीत पार पडलेला

 हा गौरव सोहळा विद्यार्थ्यांच्या कर्तृत्वाचा सन्मान करणारा आणि नव्या पिढीला यशासाठी प्रेरणा देणारा ठरला.