“प्रॉपर्टी नोंदणीला गती! १५ दिवसांत नोंद अनिवार्य; तक्रार आल्यास ३ महिन्यांत निकाल – अपिलाचा मार्गही खुला”

“प्रॉपर्टी नोंदणीला गती! १५ दिवसांत नोंद अनिवार्य; तक्रार आल्यास ३ महिन्यांत निकाल – अपिलाचा मार्गही खुला”

सोलापूर | प्रतिनिधी प्रॉपर्टी खरेदीनंतर दस्त नोंदणीच्या प्रक्रियेला वेग देण्यासाठी महसूल विभागाने कडक पावले उचलली आहेत. 

आता दस्त नोंदणीसाठी दिलेल्या प्रस्तावावर १५ दिवसांच्या आत सात-बारा उताऱ्यावर नोंद करणे अनिवार्य करण्यात आले आहे.

 यासंदर्भात जिल्हाधिकाऱ्यांनी स्पष्ट परिपत्रक काढून सर्व महसूल अधिकाऱ्यांना सक्त सूचना दिल्या आहेत.

सोलापूर जिल्ह्यात दरवर्षी सुमारे १ लाखांहून अधिक दस्त नोंदी, तर राज्यभरात तब्बल ४४ लाखांपर्यंत नोंदणी होत असल्याने अनेक प्रकरणे हरकतींमुळे रखडत होती. आता या प्रक्रियेला वेळेची मर्यादा घालून पारदर्शकता आणि गती आणण्याचा प्रयत्न करण्यात आला आहे.

⏱️ १४ दिवसांत हरकत, ३ महिन्यांत निकाल

दस्त नोंदणीसाठी अर्ज दिल्यानंतर १४ दिवसांचा नोटीस कालावधी दिला जातो. या कालावधीत कोणी हरकत घेतल्यास संबंधित मंडलाधिकारी दोन्ही पक्षांना समोरासमोर सुनावणीस बोलावतात.

यानंतर तीन महिन्यांच्या आत अंतिम निर्णय देणे बंधनकारक करण्यात आले आहे.

⚖️ सुनावणी प्रक्रिया कडक

मंडलाधिकारी आवश्यकतेनुसार ३–४ सुनावण्या घेऊ शकतात

दोन्ही पक्षांचे म्हणणे आणि कागदपत्रांची पडताळणी केली जाते

न्याय्य निर्णयासाठी पुराव्यांवर भर दिला जाणार

📢 अपिलाचा अधिकार कायम

मंडलाधिकाऱ्यांच्या निर्णयावर असमाधानी असल्यास संबंधित पक्षकाराला प्रांताधिकाऱ्यांकडे अपिल करण्याचा अधिकार देण्यात आला आहे.

महाराष्ट्र जमीन महसूल अधिनियमाच्या कलम २४७ नुसार अपिल करता येते.

अपिलाचा निकाल १ वर्षाच्या आत देणे अपेक्षित

गरज पडल्यास जिल्हाधिकाऱ्यांची परवानगी घेऊन मुदतवाढ शक्य

पक्षकार स्वतः किंवा वकिलामार्फत बाजू मांडू शकतात

🚜 शेती रस्त्यांच्या प्रकरणांनाही मुदत

शेती रस्त्यांशी संबंधित प्रकरणांचा निकाल देखील ९० दिवसांत देणे बंधनकारक करण्यात आला आहे.

🗣️ “दस्त नोंदी १५ दिवसांत करणे आणि हरकतींचा निकाल ३ महिन्यांत देणे अपेक्षित आहे,”

– बी. आर. माळी, प्रांताधिकारी, मंगळवेढा

या नव्या निर्णयामुळे प्रॉपर्टी व्यवहारातील विलंब कमी होऊन नागरिकांना दिलासा मिळणार असून, महसूल प्रक्रियेत अधिक पारदर्शकता येणार आहे.