धक्कादायक अपघात..सांगोला येथे स्कूल बस- दुचाकीच्या अपघातात तरुणाचा जागीच मृत्यू

धक्कादायक अपघात..सांगोला येथे स्कूल बस- दुचाकीच्या अपघातात तरुणाचा जागीच मृत्यू

(शब्दरेखा एक्स्प्रेस न्युज संपादक संतोष साठे ९५०३४८७८१२)

सांगोला : स्कूल बस आणि दुचाकीची समोरासमोर जोराची धडक होऊन अपघातात गंभीर जखमी झालेल्या दुचाकीस्वाराचा जागीच मृत्यू झाला. 

हा अपघात गुरुवार 9 जानेवारी रोजी दुपारी ३:४५ च्या सुमारास सांगोला मिरज रोडवरील सर्व्हिस रोडवरील सूतगिरणी समोर घडला. 

हनुमंत घोरपडे (वय ३० रा.अकोला ता. सांगोला) असे मृताचे नाव आहे. याबाबत ग्रामीण रुग्णालयाचे वैद्यकीय अधिकारी डॉ. पूजा साळे यांनी खबर दिली असून पोलिसांनी अकस्मात मृत्यूची नोंद केली आहे.

अकोला येथील हनमंत घोरपडे हा तरुण गुरुवार, ९ रोजी दुपारी ३:४५ च्या सुमारास दुचाकीवरून सांगोला-मिरज रोडवरील सर्व्हिस रोड वरून निघाला होता. 

वाटेत कमलापूर येथून समोरून येणाऱ्या बसने दुचाकीला समोरासमोर जोराची धडक दिल्याने हा अपघात घडला. अपघातात दुचाकी वरील हनुमंत घोरपडे हा गंभीर जखमी झाला होता,

 त्यास उपचारासाठी सांगोला येथील ग्रामीण रुग्णालयात दाखल केले असता डॉक्टरांनी तपासून त्याचा उपचारापूर्वीच मृत्यू झाल्याचे सांगितले.