मोठी बातमी..विनापरवाना वृक्षतोड व विनापरवाना वाहतूक करणाऱ्या वाहनांवर सांगोला वनविभागाची कारवाई.

मोठी बातमी..विनापरवाना वृक्षतोड व विनापरवाना वाहतूक करणाऱ्या वाहनांवर सांगोला वनविभागाची कारवाई.

(शब्दरेखा एक्स्प्रेस न्युज संपादक संतोष साठे ९५०३४८७८१२)

सांगोला प्रतिनिधी-  अशोक लिलाँड पिकअप क्र.MH 4400798 कडुलिंब लाकुड मालासह जप्त वनपरिक्षेत्र अधिकारी सांगोला यांनी मौ. सांगोला ते मेडशिंगी रस्त्यावर 

दि. 02.12.2024 रोजी दिवसा फिरती करत असताना सदरचा पिकअप क्र. MH 44 U 0798 विनापरवाना वृक्षतोड व विनापरवाना वाहतूक करत असताना जप्त केला.

मौजे सांगोला ते मेडशिंगी रस्ता येथे दि. 02.12.2024 रोजी वाहनांची तपासणी केली

 असता सदरच्या पिकअप वाहन चालक यांचेकडे वनविभागाचा वृक्षतोड परवाना व वाहतूक पास परवाना नसल्याचे दिसुन आले. 1) रोहीत राजाराम ऐवळे रा. चिंचोली ता. सांगोला ( वृक्षतोड मजूर ) 2) संजय काशीनाथ माने रा. सांगोला ( वाहन चालक ) 

3) भाऊसाहेब दामु शिनगारे रा. चिंचोली ता.सांगोला लाकुड व्यापारी यांच्या विरूध्द प्रथम वनगुन्हा क्र.ओ - 01/2024 दि. 02.12.2024 यानुसार नोंद केला आहे. अशोक लिलॉड पिकअप क्र. MH 44 U 0798 कडुलिंब लाकुड मालासह जप्त

 करून वनपरिक्षेत्र अधिकारी सांगोला कार्यालयाजवळ ठेवला आहे. सदर पिकअपमधील कडूलिंब जळावू लाकुड 7.965 घ.मी आहे. अंदाजे तीन टन होईल.

 बाजार भावप्रमाणे सदर लाकडाची किंमत अंदाजे 12000/- होईल. भाऊ शिनगारे चिंचोली लाकुड व्यापारी यांनी सांगितले की, मौ. चिंचोली येथील भास्कर घाडगे यांच्या मालकी क्षेत्रातील कडूलिंब झाडे तीन विनापरवाना तोड केली आहेत. 

याबाबत वनपरिक्षेत्र अधिकारी सांगोला श्री. तु. वि. जाधवर तपास करीत आहेत. विनापरवाना वृक्षतोड करणे व विनापरवाना वाहतूक करणे आरोपी यांना वनगुन्हा मान्य आहे.

वनविभागाचा वृक्षतोड परवाना घेतल्यानंतरच वृक्षतोड करावी. वनविभागाचा वाहतूक पास घेतल्यानंतरच वाहतूक करावी. 

अवैध वृक्षतोड व अवैध वाहतूक केल्यास वनविभागाच्या नियमानुसार कारवाई करण्यात येईल असे आव्हान श्री. तुकाराम विठ्ठल जाधवर वनपरिक्षेत्र अधिकारी सांगोला यांनी केले आहे.

 प्रत्येक व्यक्तीने झाडांचे संरक्षण करावे. ज्या झाडापासुन धोका आहे अशी झाडे तोडण्यासाठी कार्यालयात अर्ज करावा. प्रत्येक माणसाला झाडापासुन एका दिवसाला 15 कि.ग्रा. ऑक्सीजन लागतो. 

ज्या झाडाची गोलाई साधारण 6 ते 7 फुट आहे अशी झाडे सात असल्यास एका माणसाला 15 कि.ग्रा. ऑक्सीजन मिळतो असे पर्यावरण तज्ञ यांचे मत आहे. झाडे आहेत म्हणून आपण आहोत 

याची जाणिव कोरोना ( कोव्हीड - 19 ) च्या काळात आपल्याला माहिती झाली आहे. त्यामुळे प्रत्येक व्यक्तीने झाडाचे संरक्षण करावे व जास्तीत जास्त वृक्ष लागवड करून पर्यावरणाचा समतोल राखावा.

 तसेच सांगोला तालुका दुष्काळ ग्रस्त म्हणून ओळखला जातो त्यामुळे पावसाचे प्रमाण फारच कमी आहे. वृक्षतोड बंद करून व जास्तीत जास्त वृक्षलागवड करून सांगोला तालुका दुष्काळ ग्रस्त मुक्त करता येईल असे आव्हान श्री. तुकाराम विठ्ठल जाधवर वनपरिक्षेत्र अधिकारी सांगोला यांनी केले आहे. यासाठी सर्वांनी सहकार्य करणे आवश्यक आहे.

 वनक्षेत्रात किंवा मालकी क्षेत्रात अवैध वृक्षतोड व अवैध वाहतूक होत असल्यास वनपरिक्षेत्र अधिकारी सांगोला श्री. तुकाराम विठ्ठल जाधवर यांचा मोबाईल नंबर 9420378279 वर संपर्क साधावा. असे आव्हान केले आहे.

सदरची कारवाई मा.मुख्य वनसंरक्षक (प्रा) पुणे - श्री. एन. आर. प्रवीणसाहेब, मा. उपवनसंरक्षक, सोलापूर श्री. लेफन्टंट कुशाग्र पाठक व मा. सहा वनसंरक्षक (कॅम्पा), 

सोलापूर श्री. व्ही. एम. चव्हाण यांच्या मार्गदर्शनाखाली करण्यात आली. सदरची कारवाई श्री. तुकाराम विठ्ठल जाधवर वनपरिक्षेत्र अधिकारी सांगोला व वनपाल सांगोला, वनरक्षक सांगोला यांनी केली.