केंद्रिय राज्यमंत्री रामदास आठवले परभणी दौऱ्यावर. परभणीतील आंबेडकरी वस्त्यांमधील कोंबींग ऑपरेशन थांबावा - केंद्रीय राज्यमंत्री रामदास आठवले.

केंद्रिय राज्यमंत्री रामदास आठवले परभणी दौऱ्यावर. परभणीतील आंबेडकरी वस्त्यांमधील कोंबींग ऑपरेशन थांबावा - केंद्रीय राज्यमंत्री रामदास आठवले. 

 महामानव डॉ बाबासाहेब आंबेडकरांच्या पुतळ्या जवळील संविधानाच्या प्रतिकृतीचा अवमान करणारा 

निषेधार्ह प्रकार परभणीत घडल्या नंतर आंबेडकरी जनतेच्या संतापाचा उद्रेक घडला.परभणीत आंबेडकरी जनतेने उत्स्फूर्त आंदोलन करून आपल्या संतप्त भावना व्यक्त केल्या आहेत 

या निषेध आंदोलनाने तणावग्रस्त झालेल्या परभणी शहराला येत्या शनिवारी दि.14 डिसेंबर 2024 रोजी रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री ना रामदास आठवले भेट देणार आहेत.

 निषेध आंदोलनानंतर पोलिसांनी परभणीत आंबेडकरी वस्त्यांमध्ये सुरू केलेले कोंबिंग ऑपरेशन तात्काळ थांबवावे अशी आपली मागणी असून  यासाठी आपण मुख्यमंत्र्यांशी बोलणार आहोत अशी माहिती ना.रामदास आठवले यांनी आज दिली.

परभणीतील संविधान अवमान घटना ही आंबेडकरी जनतेचा संयम तोडणारी ठरली.त्यातून तीव्र निषेध आंदोलन उभे राहिले.आम्ही आंबेडकरी जनतेला संयम आणि शांतता राखण्याचे आवाहन केले आहे.परभणीत शांतता राखली जात आहे.

मात्र पोलिसांनी कोंबिग ऑपरेशन करून आंबेडकरी तरुणांना बेदम मारहाण करतानाचे व्हिडिओ व्हायरल झाले आहेत.त्यामुळे आता पोलिसांनी तत्काळ कॉम्बिंग ऑपरेशन थांबवावे.

काँबिंग ऑपरेशन थांबवण्याची मागणी आपण मुख्यमंत्री देवेंद्र फडणवीस यांना करीत आहोत .आंबेडकरी जनतेने या प्रकरणी आता शांतता आणि संयम बाळगावा असे आवाहन ना.रामदास आठवले यांनी केले आहे.

आंदोलनाचा  उद्रेक तणावाच्या पार्श्भूमीवर केंद्रीय राज्यमंत्री ना रामदास आठवले उद्याच्या शनिवारी दि.14 डिसेंबर रोजी परभणी शहराला भेट देऊन घटनास्थळाची पाहणी करणार आहेत .सर्व संबंधित अधिकाऱ्यांची बैठक घेऊन झालेल्या प्रकारची माहिती घेणार आहेत.

पुन्हा राज्यात अशी कोणतीही संविधान अवमनाची अप्रिय घटना घडू नये याची शासन प्रशासनाने खबरदारी घ्यावी अशी सूचना ना. रामदास आठवले यांनी केली आहे.