खळबळजनक...सांगोला - अनकढाळ टोल नाक्याजवळ दोघांमध्ये पैशाचे देवाण घेवाणीच्या वादातून तरुणाचा खुन.. शरीर ओळखु येवु नये याकरीता पेट्रोल व डीझेल टाकून जाळून टाकले वर्षांपूर्वीच्या खून प्रकरणी संशयित आरोपीस अटक..

खळबळजनक...सांगोला - अनकढाळ टोल नाक्याजवळ  दोघांमध्ये पैशाचे देवाण घेवाणीच्या वादातून तरुणाचा  खुन..

शरीर ओळखु येवु नये याकरीता पेट्रोल व डीझेल टाकून जाळून टाकले सव्वा वर्षांपूर्वीच्या खून प्रकरणी संशयित आरोपीस अटक..

(शब्दरेखा एक्स्प्रेस न्युज संपादक संतोष साठे ९५०३४८७८१२)

क्राईम खून ॥ सव्वा वर्षांपूर्वीच्या खून प्रकरणी संशयित आरोपीस अटक

सांगोला (प्रतिनिधी):-मागील सव्वा वर्षांपूर्वी अज्ञात आरोपीने, अज्ञात इसमाचा, अज्ञात कारणाने खुन करुन त्याचे प्रेत जाळुन ओळख संपविलेली असताही सोलापुर शहर आणि सोलापुर ग्रामीण कडील पथकांनी कसोसीने तपास करुन

 गुन्हयातील मयताची ओळख पटवुन आरोपीस अटक केली असल्याची माहिती पोलीस निरीक्षक भिमराव खणदाळे यांनी दिली. सांगोला तालुक्यातील मौजे अनकढाळ गावाचे शिवारात

 लिंगे यांचे शेतामध्ये अंदाजे 25 ते 30 वर्षे वयाचा इसम जळालेल्या अवस्थेत मिळून आला होता. सदर इसमास कोणीतरी अज्ञात इसमाने, अज्ञात कारणावरून जिवे ठार मारून

अंगावर काहीतरी ओतुन पेटवून देवुन पुरावा

नाहीसा करण्याचा प्रयत्न केलेला आहे म्हणुन मौजे अनकढाळ येथील बाळासो पाटील यांनी फिर्यादी जबाबावरून

 दिनांक 14 एप्रिल 2023 रोजी सांगोला पोलीसात गुन्हा नोंद करण्यात आला होता. सदर गुन्हयाचा तपास उपविभागीय पोलीस अधिकारी श्री विक्रांत गायकवाड हे करीत आहेत.

 याबाबत फौजदार चावडी पोलीस ठाणे सोलापुर शहर येथे यातील मयताच्या वर्णनाचा इसम मिसींग झाल्याबाबत दाखल असलेल्या प्रकरणाचा तपास सोलापुर शहर कडील करीत होते. 

त्याप्रमाणे रमन साबळे (वय 36 वर्षे, रा. 151 लक्ष्मी पेठ, देगावरो ड सोलापुर) याचे मिसींग बाबत समांतर तपास करीत असताना, त्याचा खुन मिसींग व्यक्तीचा व्यावसायिक भागीदार विशाल बनसोडे याने केल्याची माहिती मिळालेने

 त्यास कोल्हापुर येथुन ताब्यात घेवून मिसींग व्यक्तीबाबत त्याचेकडे सखोल चौकशी केली असता, विशाल बनसोडे याने दिनांक 11 एप्रिल 2023 चे रात्री अनकढाळ टोल नाक्याजवळ त्या दोघांमध्ये पैशाचे देवाण घेवाणीचे 

कारणावरून वाद झाला. त्यातुन त्याने रमन साबळे यास मारहाण करून गळा दाबुन खुन केला. त्यानंतर पेट्रोल व डीझेल आणुन मयत रमन साबळे याचे शरीरावर टाकुन जाळले होते.

अज्ञात आरोपी विरुध्द खुन करुन पुरावा नाहीसा केल्याचा गंभीर गुन्हा दाखल असल्याने सदर गुन्हयाचे तपासकामी संशयित आरोपी विशाल बनसोडे यास सपोनि संदीप पाटिल गुन्हे शाखा सोलापुर व त्यांचे कडील

 तपास पथकाने सांगोला पोलीस ठाणे येथे समक्ष हजर केल्याने त्यास सांगोला पोलीस ठाणे कडील या गुन्हयात त्याचा सहभाग असल्याचे निष्पन्न झाल्याने त्यास दिनांक 26 जुलै 2024 रोजी गुन्हयात अटक करण्यात आली. सदरची कामगिरी

 पोलीस अधीक्षक श्री. शिरिष सरदेशपांडे, अपर पोलीस अधीक्षक श्री. प्रितम यावलकर, उपविभागीय पोलीस अधिकारी विक्रांत गायकवाड, उपविभागीय पोलीस अधिकारी अर्जुन भोसले यांचे मार्गदर्शनाखाली

 सांगोला पोलीस ठाण्याचे पोलीस निरीक्षक भिमराव खणदाळे, सपोनि. सचिन जगताप व तपास पथक तसेच सोलापुर शहर आयुक्तालयातील गुन्हे शाखा सोलापुर यांचेकडील सपोनि संदिप पाटील व तपास पथक यांनी केली आहे.