खळबळजनक... पतीनेच दिली पत्नीच्या खुनाची सुपारी सोलापूर जिल्ह्यातील घटना..
(शब्दरेखा एक्स्प्रेस न्युज संपादक संतोष साठे ९५०३४८७८१२)
सोलापूर जिल्ह्यात अलीकडे गुन्हेगारीचे प्रमाण मोठ्या प्रमाणात वाढले आहे. अशीच एक धक्कादायक घटना करमाळा तालुक्यात घडली आहे.
सुपारी देऊन पतीने पत्नीची हत्या केल्याची धक्कादायक घटना घडली आहे.
कोमल मत्रे असे हत्या झालेल्या महिलेचे नाव आहे. याप्रकरणी पोलिसांनी सहा संशयित आरोपींना अटक केली आहे.
करमाळा परिसरातील पोंधवडीमध्ये राहणाऱ्या बिभीषण उर्फ पिन्या विलास मत्रे याचा विवाह कोमल वाघ हिच्याशी २०१७ मध्ये झाला होता. लग्नाच्या तीन वर्षांनी कोमल ही माहेरी आली.
त्यानंतर तिने बिभीषणसोबत संसार करण्यास नकार दिला. तसेच ती पोंधवडीमध्ये राहण्यासही गेली नाही.
यानंतर बिभीषणने कोमलच्या वडीलांना सातत्याने माझ्या पत्नीला नांदायला का पाठवत नाहीत,
अशी विचारणा केली. यावेळी त्याने कोमलच्या वडिलांना मारहाणही केली होती. याप्रकरणी पोलिसात गुन्हा दाखल करण्यात आला होता.
तसेच सध्या हे प्रकरण न्यायालयात आहे. यानंतर आता 16 जुलैला कोमल तिची आई अलका यांच्यासोबत घरात बसली होती.
तर कोमलचा भाऊ तानाजी आणि त्याची पत्नी शोभा दुसऱ्या खोलीत होते.
यावेळी काही अनोळखी व्यक्तींनी मोबाईल हिसकावून घेतला आणि त्यांच्या खोलीला बाहेरुन कडी लावली. यानंतर तिच्या आईने आणि तिने दरवाजाला जोरजोरात धडक दिली.
यात दरवाजाची कडी तुटल्याने आरोपींनी दरवाजा उघडून आत प्रवेश केला. यानंतर कोमलच्या डोक्यात पाठीमागून कोयत्याने गंभीर वार करण्यात आले. यातच तिचा मृत्यू झाला.
या प्रकरणी पोलिस तपासात धक्कादायक माहिती समोर आली. बिभीषण याने सुपारी देऊन कोमलची हत्या केल्याची माहिती समोर आली आहे.
त्याने ही हत्या का केली? याबद्दल अद्याप कोणतीही माहिती समोर आलेली नाही.
याप्रकरणात संशयित आरोपी पती बिभीषण याला अटक करण्यात आली आहे. त्यासोबतच रोहन प्रदीप मोरे,
सुनिल उर्फ काका विष्णू शिंदे, प्रदिप उर्फ दीपकसुनील हिरभगत, विशाल उर्फ सोन्या परशुराम सवाणे आणि
ऋषिकेश उर्फ बच्चन अनिल शिंदे यांचा सहभाग असल्याचे समोर आले आहे. पोलिसांनी या सर्वांना अटक केली आहे.
0 Comments