निष्काळजीपणा! बसस्थानकात उभ्या असलेल्या प्रवाशाच्या अंगावर गेली बस;
दोन्ही पाय झाले फॅक्चर, मंगळवेढ्यातील ST चालकाविरुध्द गुन्हा दाखल
मंगळवेढा एस.टी. आगार प्रमुख पदाचा कार्यभार यांनी स्विकारला; ‘हे’ आव्हाने असणार समोर
मंगळवेढा बसस्थानकावर आगारातील पंढरपूरकडे जाणाऱ्या स्टँडजवळ सदर उभ्या असलेल्या एका प्रवाशाला
आपल्या ताब्यातील एसटी बेदरकारपणे व निष्काळजीपणे चालवून प्रवाशाच्या अंगावर घालून डावा हात व
दोन्ही पायास गंभीर दुखापत करुन दोन्ही पायाचे हाड फ्रैक्चर केल्याप्रकरणी मंगळवेढा आगाराचे एसटी चालक अब्बास लतिफशा मकानदार (रा. बठाण) याच्या विरुध्द गुन्हा दाखल झाला आहे.
या घटनेची हकीकत अशी, यातील जखमी फिर्यादी हरी धानप्पा केंगार (वय ६५ रा. मरवडे) हे दि.१९ जून रोजी सकाळी १० वाजता एसटी बसने मंगळवेढ्यात दाखला घेणेकामी शेतकी ऑफिसला आले होते.
दुपारी १२.३० वाजता मंगळवेढा फिर्यादी हे थांबले असता पंढरपूरहून मंगळवेढा एसटी आगारात येणारी एम.एच.१४ बी.टी.४४२९ चे चालक
तथा आरोपी अब्बास मकानदार यांनी एसटी आगारात घेत असताना जोरात वळविल्याने फिर्यादीच्या अंगावर एसटी गेली.
त्यावेळी फिर्यादीचा डावा हात व दोन्ही पायास जबर जखम झाल्याने रक्तस्त्राव होवू लागला त्यामुळे फिर्यादी बेशुध्द पडले,
तद्नंतर सदर एसटी चालक व कंडक्टर यांनी उपचारासाठी खाजगी दवाखान्यात दाखल केले.
शुध्दीवर आल्यानंतर फिर्यादीने पोलीसात तक्रार दाखल केली आहे. अधिक तपास पोलीस करीत आहेत.
0 Comments