बी.सी.ए. या कोर्सला प्रवेश घेणाऱ्या विद्यार्थ्यांना आता द्यावी लागणार एस.सी.ई.टी. परिक्षा

 बी.सी.ए. या कोर्सला प्रवेश घेणाऱ्या विद्यार्थ्यांना आता द्यावी लागणार एस.सी.ई.टी. परिक्षा

सांगोला/प्रतिनिधी- शैक्षणिक वर्ष २०२४-२५ (Academic Years 2024-25) पासून बी.सी.ए./बी.बी.ए./बी.एम.एस./बी.बी.एम. या (Graduate and Post Graduate Course) 

अभ्यासक्रमाच्या  प्रवेशाकरीता राज्य सामाईक प्रवेश परीक्षा (State Common Entrance Test) कक्षामार्फत सीईटी परीक्षा घेण्यात येणार आहे. 

त्याकरीता गुरुवार दिनांक २१ मार्च २०२४ पासून अर्ज नोंदणीला सुरुवात झालेली (Application Registration Start) आहे. 

महा-बी. बी.सी.ए./बी.बी.ए./बी.एम.एस./बी.बी.एम. (Maha B.B.C.A./B.B.A./B.M.S./B.B.M.) सीईटी २०२४ सामाईक प्रवेश परीक्षा प्रथमच महाराष्ट्र व महाराष्ट्राबाहेरील परीक्षा केंद्रावर घेण्यात येणार आहे. नोंदणी अर्ज करण्याची अंतिम मुदत ११ एप्रिल २०२४ पर्यंत देण्यात आली आहे.

चालू शैक्षणिक वर्षांपासून  बी.सी.ए./बी.बी.ए./बी.एम.एस./बी.बी.एम. हे अभ्यासक्रम ए.आय.सी.टी.ई. ने आपल्या कक्षेत घेतले आहेत.त्यामुळे या अभ्यासक्रमांना सीईटी लागू करण्यात आली आहे. 

शैक्षणिक वर्षे २०२४-२५ करीता राज्य सामाईक प्रवेश परीक्षा कक्षामार्फत विविध पदवी व पदव्युत्तर पदवी अभ्यासक्रमांच्या प्रवेशाकरीता सामाईक प्रवेश परीक्षा घेण्यात येते. त्याअनुषंघाने या 

शैक्षणिक वर्षापासून बी.सी.ए./बी.बी.ए./बी.एम.एस./बी.बी.एम. या अभ्यासक्रमासाठी प्रवेश घेणाऱ्या विद्यार्थ्यांना सीईटी देणे बंधनकारक असणार आहे. ज्या विद्यार्थ्यांना अर्ज करावयाचा आहे त्यांनी सर्वात प्रथम अधिकृत वेबसाइट

 cetcell.mahacet.org  या वेबसाईटला भेट द्यावी. होम पेजवर दिलेले बी.सी.ए./बी.बी.ए./बी.एम.एस./बी.बी.एम. CET टॅब निवडावे. नोंदणी लिंकवर क्लिक करून उमेदवारांना आपली नोंदणी पुर्ण करावी लागेल. 

महत्त्वाची ओळखपत्रे भरून फॉर्म पूर्ण करावा आणि कागदपत्रे सबमिट करावीत. आवश्यक ती फी भरल्यानंतर पेमेंट पावती डाउनलोड करून घ्यावी. अधिक माहितीसाठी डॉ. गणपतराव देशमुख महाविद्यालय,

 सांगोला येथे संगणकशास्त्र विभागाला भेट देऊन प्रा.निलेश रसाळ( मो-९८८१४३०३०४) व प्रा.शेख जावेद (मो-७३८७८६७५८५) यांना समक्ष भेटून आपला नोंदणी अर्ज पूर्ण करावा. 

असे आवाहन संगणकशास्त्र विभागाचे विभाग प्रमुख प्रा.कोळवले एच.डी व महाविद्यालयाचे प्राचार्य डॉ. सिकंदर मुलाणी यांनी केले आहे.