खळबळजनक घटना...आधी भावाला फोन केला, मग...
सध्या राज्यभरात गुन्हेगारीचे प्रमाण झपाट्याने वाढत आहे. दरम्यान परभणी जिल्ह्यातील जिंतूर शहरात एका शिक्षकाने आत्महत्या केली आहे.
त्यांनी असे टोकाचे पाऊल का उचलले, हे अजून स्पष्ट झालेले नाही. जिंतूर शहरातील संभाजीनगर भागात ही घटना घडली आहे. राहुल उबाळे (वय 36) असे आत्महत्या करणाऱ्या शिक्षकाचे नाव आहे.
ही घटना काल दुपारी घडली आहे. राहुल यांनी घरातच गळफास लावून आत्महत्या केली. राहुल हे गटशिक्षणाधिकारी कार्यालयात कार्यरत होते.
त्यांनी आत्महत्या करण्यापूर्वी मोबाईलवरून आपल्या भावाला माहिती दिली होती. मोबाईलवरून त्यांनी आपण आत्महत्या करत असल्याचे भावाला सांगितले.
त्यानंतर त्यांनी संभाजीनगर येथील राहत्या घरात गळफास घेतला. दरम्यान शेजाऱ्यांनी घरात पाहणी केली असता ते गळफास घेतलेल्या अवस्थेत दिसून आले. यावेळी नातेवाईकांनी घटनेची माहिती देताच पोलिसांनी घटनास्थळी धाव घेतली.
0 Comments