सोलापूरचा जावई मिरजेत मुक्कामाला, रेकी करुन बंद घरं फोडायचा, अखेर पोलिसांकडून करेक्ट कार्यक्रम

 सोलापूरचा जावई मिरजेत मुक्कामाला, रेकी करुन बंद घरं फोडायचा,

अखेर पोलिसांकडून करेक्ट कार्यक्रम

कर्नाटकमधून सोलापूरमध्ये आलेल्या व्यक्तीनं एका मुलीवर प्रेम करुन नंतर लग्न केलं. त्यानंतर मिरजेत मुक्कामाला थांबून तो सोलापुरातील बंद घरे फोडत होता.

सोलापूर पोलिसांची मोठी कारवाई चोरट्याला मिरजेतून अटक सोने आणि रोख रक्कम जप्त

सोलापूर: सोलापुरातील मंत्री चंडक (विजापूर रोड) येथील एका बंद घरातून मोठी चोरी झाली होती.हुसेन शेख (वय ६३ वर्षे,रा सोलापूर) यांनी विजापूर नाका पोलीस ठाण्यात २९ ऑक्टोबर रोजी फिर्याद दिली होती. 

गुन्हे शाखेच्या पोलिसांनी या चोरीचा तपास करत संशयित चोरट्यास मिरजेतून ताब्यात घेतले आहे.संशयित चोरटा अश्फाक सैफन जाटगर(वय ३० वर्षे) याच्याकडून चोरी केलेला जवळपास सर्व मुद्देमाल हस्तगत करण्यात आला आहे.

अश्फाक जाटगर याने वर्षभरापूर्वी सोलापूर शहरात जत्रेत येऊन एका मुलीबरोबर प्रेमप्रकरण केले. त्यानंतर तिच्या लग्न केले आणि मिरजेत घेऊन राहू लागला.

जावई म्हणून तो सोलापुरात येत होता आणि बंद घरांची रेकी करून जात होता.काही दिवसांनी बंद घरे फोडून मोठा मुद्देमाल चोरी करत होता,अशी माहिती पोलिसांनी दिली आहे.

अश्फाक जाटगर हा मूळचा विजयपूर जिल्ह्यातील इंडी तालुक्यातील आहे.इंडी तालुक्यातील पोलीस ठाण्यात देखील त्यावर घरफोडीचे गुन्हे दाखल आहेत.

बंद घर फोडून मोठी चोरी करायचा

अश्फाक जाटगर याने सोलापूर शहरात असलेल्या मंत्री चंडक पार्क येथील एका बंद घरात चोरी केली होती. २९ ऑक्टोबर २०२३ रोजी चोरी झाली होती,

यामध्ये ५ लाख १० हजार रुपयांची रोख रक्कम,९ लाख रुपयांचे सोन्याचे दागिने,३२ तोळे वजनाचे १० हजार रुपये किमतीचे चांदीचे दागिने चोरीला गेले होते.शहरात बंद घर फोडून मोठी चोरी झाल्याने 

सोलापूर गुन्हे शाखेची टीम मागावर होती.गुन्हे शाखेच्या पोलिसाला एका गोपनीय बातमी दाराने माहिती दिली ,चोरी करणारा संशयीत हा मिरज येथील आहे.त्याचा तपास करत त्याला ७ नोव्हेंबर रोजी ताब्यात घेतले

 आणि कोर्टात हजर केले.जवळपास सर्वच मुद्देमाल पोलिसांनी हस्तगत केला आहे.तो सोलापूरचा जावई होता, झटपट पैसा कमावण्याच्या नादात चोऱ्या

अश्फाक जाटगर हा सोलापुरातील जत्रेत आला होता.

जत्रेमध्ये त्याचे एका मुलीसोबत प्रेमसंबंध जुळले,आणि त्याने लग्न केले.जावई म्हणून अश्फाक हा पत्नीला सोबत घेऊन सोलापुरात येत होता.दोन ते तीन दिवस राहून तो बंद घरांची रेकी करत होता.

दिवसाच ही बंद घरे फोडून पत्नीला सोबत घेऊन पुन्हा मिरजेत जात होता.त्याला ताब्यात घेऊन सखोल चौकशी केल्या नंतर ही सर्व माहिती समोर आल्याची माहिती डीसीपी डॉ. दीपाली काळे यांनी माध्यमांना दिली.

सोलापूर शहरात एकूण दोन घरे फोडल्याची माहिती त्याने पोलिसांना दिली आहे.कर्नाटक राज्यातील इंडी येथे देखील घरफोडीचे गुन्हे दाखल आहेत. या प्रकरणी आणखी तपास सुरू असून आरोपी न्यायलयीन कोठडीत आहे.

गुन्हे शाखेच्या टीमने दिवसा घरफोडी करणाऱ्यांच्या मुसक्या आवळल्या अश्फाक जाटगर याची चोरी करण्याची विशेष पद्धत म्हणजे तो बंद घर शोधत होता.

दिवसा ढवळ्या बंद घरात प्रवेश करुन सोन्या चांदीचा ऐवज आणि रोख रक्कम लंपास करत होता. गुन्हे शाखेच्या पोलिसांनी अश्फाक जाटगरला बेड्या ठोकल्या आहेत.

ही कामगिरी सपोनि दादासो मोरे, सपोनि संदीप पाटील व त्यांचे पथकातील पोलीस अंमलदार सफौ किर्दक, संदीप जावळे, विनोद रजपुत, राजकुमार पवार, इम्रान जमादार, विजय वाळके, तात्यासाहेब पाटील, 

सागर मोहिते, सुभाष मुंढे, सिध्दाराम देशमुख, अजय गुंड, सतीश काटे, बाळासाहेब काळे, सायबर पो.स्टे कडील अविनाश पाटील, प्रकाश गायकवाड, मच्छिंद्र राठोड, यांनी केली आहे.