प्रा. अंजली जाधव " राष्ट्रीय गुरुवंदना राष्ट्रभूषण सन्मान" २०२३ पुरस्काराने सन्मानित

  प्रा. अंजली जाधव " राष्ट्रीय गुरुवंदना राष्ट्रभूषण सन्मान" २०२३ पुरस्काराने सन्मानित

प्रा. अंजली जाधव यांना राष्ट्रीय गुरुवंदना राष्ट्रभूषण सन्मान" २०२३ पुरस्कार नुकताच मिळाला. हा पुरस्कार मिळाल्याने त्यांच्या शिरपेचात मानाचा तुरा रोवला गेला आहे.

 शिक्षक दिन व डॉ. राधाकृष्णन जन्मदिना निमित्त गोवा हिंदी अकादमी, गोवा व विद्यार्थी विकास अकादमी, महाराष्ट्र यांच्या संयुक्त विद्यमाने राष्ट्रीय गुरुवंदना राष्ट्रभूषण संमेलन कोल्हापूर या ठिकाणी आयोजित करण्यात आले होते. 

शैक्षणिक, सामाजिक आणि साहित्यिक क्षेत्रातील केलेल्या कार्याची दखल घेऊन राष्ट्रीय संमेलनात देण्यात येणारा यावर्षीचा" राष्ट्रीय गुरुवंदना राष्ट्रभूषण सन्मान" २०२३ पुरस्कार प्रा. अंजली जाधव यांना नुकताच देण्यात आला आहे. 

गोवा हिंदी अकादमी, गोवा व विद्यार्थी विकास अकादमी, महाराष्ट्र यांच्या निवड समितीने प्रा. अंजली जाधव यांची या पुरस्कारासाठी निवड केली होती. 

प्रा. अंजली जाधव यांचे शिक्षण B.A.B.ed, M.A.M.ed, SET in Hindi, इतके झाले असून सध्या त्या सोलापूर विदयापीठामध्ये Ph.D. करत आहेत. 

त्यांचा Ph.D. चा विषय तृतीय पंथी लोकांच्या जीवनाशी संबंधित असल्याने त्यांनी संशोधनासाठी बऱ्याच तृतीयपंथी लोकांच्या भेटी घेतल्या त्यांच्या समस्या जाणून घेऊन त्यांना मायेची उभारी दिली. 

समाजाने तृतीयपंथी लोकांना घृणास्पद वागणूक देवू नये म्हणून त्या प्रयत्न करत आहेत. साहित्य लेखनातून तृतीयपंथी लोकांचे दुःख, वेदना मांडून त्यांच्याविषयी सकारात्मक दृष्टिकोण निर्माण करण्याचा त्या प्रयत्न करत आहेत. 

त्यांची काही पुस्तके प्रकाशित झाली आहेत. त्यांच्या कविता वास्तविक असून काळजामध्ये घर करणाऱ्या आणि माणसाला विचार करायला लावणाऱ्या आहेत. 

मुक्ति (स्त्री मुक्ति आधुनिक संदर्भ) या काव्यसंग्राहासाठी त्यांची वेश्या" हया कवितेची निवड झाली आहे. तर बेनाम चिट्टीयाँ काव्यसंग्राहासाठी बेटियों की सिसकीयाँ या कवितेची निवड झाली आहे. 

त्या सृष्टी बहुउद्देशीय सेवाभावी संस्थेच्या संचालिका असून त्या समाजसेवेचे कार्य करतात. त्या रोज 6pm से 7pm. एक तास गरीब विद्यार्थ्यांना मोफत ज्ञानदान करतात. त्या अभ्यासाबरोबर रांगोळी चित्रकला, 

शुद्धलेखन, नृत्य याचे ज्ञान देतात. त्यांना अष्टपैलू व्यक्तिमत्व पुरस्कार, Indien Talent Award, The super Women Award, Mother Teresa memorial Award, संत कबीर सेवा रत्न अवार्ड, आदर्श शिक्षक पुरस्कार, आदर्श साहित्यिक पुरस्कार असे काही पुरस्कार त्यांना मिळाले आहेत. 

तसेच त्यांनी बालगुन्हेगारांवरती संशोधन केले आहे. त्यांच्या संपर्कात असणाऱ्या पालकांचे व विदयार्थ्यांचे त्या समुपदेशन करतात. त्यांचा' पाककला' हा कोर्सही झाल्याने त्या महिलांना घरगुती लघुउद्योगाचे ज्ञान देतात. मागील

काही दिवसांपूर्वीच त्यांना सहारा चारिटेबल ट्रस्ट या संस्थेचा National Ideal Teacher Award 2023 (राष्ट्रीय आदर्श शिक्षक पुरस्कार) जाहीर झालेला आहे.

शिक्षक दिन व डॉ. राधाकृष्णन जन्मदिना निमित्त गोवा हिंदी अकादमी, गोवा व विद्यार्थी विकास अकादमी, महाराष्ट्र यांच्या संयुक्त विद्यमाने राष्ट्रीय गुरुवंदना राष्ट्रभूषण संमेलन कोल्हापूर या ठिकाणी पार पडले. 

राष्ट्रीय गुरुवंदना राष्ट्रभूषण संमेलनाचे उद्घाटन मा. धनंजय महाडिक (राज्यसभा खासदार, कोल्हापूर ) यांच्या हस्ते झाले. तसेच संमेलनाध्यक्ष मा. डॉ. हणमंत अशोक शिरगुप्पे 

( संस्थापक अध्यक्ष / चेअरमन अनुराधा अर्बन निधी बँक, गडहिंग्लज) मा. शंभू भाऊ बांदेकर ( माजी