धक्कादायक घटना...आश्रम शाळेवर काम
करणाऱ्या शिक्षकाने व्हाट्सअप ला स्टेटस् ठेवत शिक्षकाची आत्महत्या
आश्रम शाळेवर काम करणाऱ्या शिक्षकाने व्हाट्सअप स्टेटस वर पैशासाठी ब्लॅकमेल करणारांची नावे टाकून गळफास घेत आत्महत्या केल्याची घटना घडली आहे.
ही घटना बुधवारी सकाळी घडली असून अंकुश रामभाऊ पवार वय वर्षे रा. अंथरवण पिंपरी ह. मु. उत्तमनगर बीड असं आत्महत्या केलेल्या शिक्षकाचं नाव आहे. गावातील आश्रम शाळेवर शिक्षक होते. आत्महत्ये पूर्वी त्यांनी लिहून ठेवलेल्या चिठ्ठीवर बीडमधील अमित अनवणे, कोमल अनवणे, कोमलचे भाऊ दत्ता
गायकवाड व आकाश गायकवाड आणि त्यांची आई यांनी दहा लाख रूपये दे असे म्हणत त्रास देत होते. या आगोदर पाच लाख रूपये कोमलला दिलेही होती. परंतू तरीही पवार यांचा त्रास कमी झाला नाही. याच त्रासाला कंटाळून आपण आत्महत्या करत
असून आपल्या मृत्यूस हे लोक कारणीभूत असल्याचे त्यात लिहिले आहे. हीच चिठ्ठी व्हॉट्सअप स्टेटसला ठेवून बीड शहरापासून काही अंतरावर असलेल्या डोंगरावरील एका झाडाला गळफासघेऊन आत्महत्या केली.
हा प्रकार इतर लोकांनी पाहताच पोलिसांना या संदर्भात माहिती दिली. त्यानंतर पंचनामा करून मृतदेह उत्तरीय तपासणीसाठी जिल्हा रूग्णालयात आणला. चिठ्ठीत नाव असणाऱ्यांवर गुन्हा दाखल , करावा
, या मागणीसाठी नातेवाईक आक्रमक झाले होते. सायंकाळी ६ वाजेपर्यंत ते जिल्हा रूग्णालयातच ठाण मांडून होते. तर काही नातेवाईक पोलिस अधीक्षक कार्यालयात बसल्याचे सांगण्यात आले. रात्री उशिपर्यंत याची पोलिस ठाण्यात नोंद करण्यात आली नव्हती.
0 Comments