पंढरपूर तालुक्यात रागाच्या भरात रेल्वे पटरी गाठली, रुळावर मोठे दगड ठेऊन धक्कादायक कृत्य

पंढरपूर तालुक्यात रागाच्या भरात रेल्वे पटरी गाठली,

रुळावर मोठे दगड ठेऊन धक्कादायक कृत्य 

सोलापूर रेल्वे डिव्हिजनमधील मोडनिंब ते पंढरपूर दरम्यान रेल्वे रुळावर मोठमोठे दगड आढळले होते. ही बाब निदर्शनास आल्यावर रेल्वे अधिकाऱ्यांनी आणि रेल्वे चालकांनी ताबडतोब एक्सप्रेस थांबवून रुळावरील दगड काढले होते.सोलापुरात रेल्वेचा मोठा घातपात घडवून आणण्याचे कृत्य कोणी केले

 याचा कसून तपास करण्यात आला. रेल्वे पोलिसांनी चोहोबाजूंनी तपास करत राज ऊर्फ बबल्या भारत रणपिसे (वय २२, रा. गुरसाळे, ता. पंढरपूर ,जि सोलापूर) याला ताब्यात घेऊन चौकशी केली.

संशयित आरोपीने पोलीस तपासात सांगितले की, हे सर्व कृत्य दारूच्या नशेत केले आहे. घरात भांडण झाले होते. राग कुणावर काढायचा म्हणून रेल्वे रुळावर मोठमोठी दगड ठेवले, 

अशी कबुली ताब्यात असलेल्या संशयित आरोपीने दिली आहे. मोडनिंब - पंढरपूर दरम्यान अज्ञात व्यक्तीने रेल्वे रुळांवर तीन ठिकाणी मोठे दगड ठेवून रेल्वेचा घातपात करण्याच्या हेतूने कृत्य केले होते. 

आरोपींचा शोध घेण्यासाठी रेल्वे पोलिसांनी आजूबाजूला असलेली घरे, दुकाने तसेच इतर ठिकाणी असलेल्या जवळपास २९ सीसीटीव्ही कॅमेऱ्यांचे फुटेज घेऊन आरोपीचा शोध घेतला.

 रुळावर दगड ठेवणारी व्यक्ती ही आजूबाजूच्या गावातील असल्याचे तपासात समोर आले आहे. पोलिसांनी २९ सीसीटीव्ही फुटेजचा आधार घेत संशयित आरोपी बबल्याला बेड्या ठोकल्या आहेत.