ब्रेकिंग न्यूज.. कर्नाटकचा मुख्यमंत्री कोण होणार? सुशीलकुमार शिंदे घेणार निर्णय

ब्रेकिंग न्यूज.. कर्नाटकचा मुख्यमंत्री कोण होणार? सुशीलकुमार शिंदे घेणार निर्णय

कर्नाटक विधानसभा निवडणुकीत काँग्रेसला स्पष्ट बहुमत मिळाले आहे. विधानसभेच्या 224 जागांपैकी काँग्रेसने 135 जागा जिंकल्या आहेत. 

आता कर्नाटकचा नवीन मुख्यमंत्री कोण याची सर्वांना उत्सुकता निर्माण झाली आहे. मुख्यमंत्रीपदाच्या शर्यतीत सिद्धरामय्या आणि डीके शिवकुमार आघाडीवर आहेत.

डीके शिवकुमार हे कर्नाटकचे प्रदेशाध्यक्ष आहेत तर माजी मुख्यमंत्री सिद्धरामय्या हे कर्नाटक काँग्रेसचे मोठे नेते मानले जातात. अशा परिस्थितीत या दोघांपैकी एकाची निवड करणे काँग्रेससाठी कठीण काम ठरू शकते. 

कर्नाटकच्या मुख्यमंत्र्यांचे नाव निश्चित करण्यासाठी काँग्रेस सुशीलकुमार शिंदे यांना निरीक्षक म्हणून नियुक्त केले आहे. येत्या दोन ते तीन दिवसांत कर्नाटकच्या मुख्यमंत्र्यांच्या नावावर शिक्कामोर्तब होणार आहे. 

सुशीलकुमार शिंदे हे काँग्रेसचे ज्येष्ठ नेते आणि महाराष्ट्राचे माजी मुख्यमंत्री आहेत. गांधी कुटुंबाच्या अतिशय विश्वासू म्हणून त्यांची दिल्लीत ओळख आहेत. आघाडी सरकारच्या काळात केंद्रीय गृहमंत्री तसेच राज्यपाल म्हणून देखील काम केलेले आहे. 

सध्या ते कोणत्याही सभागृहाचे सदस्य नाहीत. 2019 ला सोलापूर लोकसभा मतदारसंघातून त्यांना पराभव स्विकारावा लागला होता. त्यानंतर आपण कोणतीही निवडणूक लढवणार नसल्याचे त्यांनी जाहीर केले होते.