सोलापूर ब्रेकिंग! प्रियकराच्या छळाला कंटाळून विवाहितेची गळफास घेऊन आत्महत्या
प्रियकराच्या छळाला कंटाळून विवाहितेची गळफास घेऊन आत्महत्या केल्याची घटना घडली आहे. कविता कल्याणम (वय 32 राहणार जुना विडी घरकुल) असे आत्महत्या केलेल्या विवाहितेचे नाव आहे.
गेल्या दोन वर्षांपासून कविता हिचे संदीप राठोड (राहणार जुना विडी घरकुल) याच्याशी प्रेमसूत जुळले होते. सदरची बाब कविताच्या पतीला कळल्यानंतर पतीने आपल्या पत्नीला समज देत, अशी घटना पुन्हा होऊ नये अशी ताकीद दिली होती. त्यानंतर दोघातील प्रेम प्रकरण संपुष्टात आले होते.
मात्र प्रियकर संदीप हा कविता हिचा पिच्छा सोडत नव्हता. तो कविताला सतत त्रास देत होता. याच त्रासाला आणि छळाला कंटाळून टोकाचे पाऊल उचलत कविता हिने राहत्या घरामध्ये आज सकाळी गळफास घेऊन आत्महत्या केल्याची घटना घडली आहे.
0 Comments