मोठी बातमी: तर कसबा, चिंचवड पोटनिवडणूक होऊ शकते रद्द? कायदेतज्ञांच्या दाव्याने खळबळ

 मोठी बातमी: तर कसबा, चिंचवड पोटनिवडणूक होऊ शकते रद्द?

कायदेतज्ञांच्या दाव्याने खळबळ

कसबा व चिंचवड पोटनिवडणूकीसाठी भाजप विरुद्ध महाविकास आघाडी सामना रंगताना दिसत आहे. दोन्ही बाजूने उमेदवारी अर्ज दाखल करण्यात आल्यानंतर आता प्रचाराचा धडाका सुरु झाला आहे. यामध्येचं आता कसबा आणि चिंचवड पोटनिवडणूक रद्द होऊ शकते, असा दावा कायदेतज्ञ अॅड असीम सरोदे यांनी केला आहे. 

सर्वोच्च न्यायलयात शिवसेनेतील बंडावर सुरु असणाऱ्या सुनावणीत 16 आमदार अपात्र ठरल्यावर राज्य सरकारच बरखास्त होईल. त्यामुळे निवडणूक घेण्याचा प्रश्नच उद्भवणार नाही, असंही असीम सरोदे यांनी म्हटलं आहे. 

सर्वोच्च न्यायालयात 16 आमदार अपात्र ठरले तर राज्याची विधानसभा बरखास्त होईल. हे सरकार चुकीचं आहे, असा निर्णय जर न्यायलयाने दिला तर राज्यात राष्ट्रपती राजवट लागेल. त्यामुळे घटनेच्या कलम 172 नुसार विधानसभा टिकत नाही. त्यामुळे विधानसभा विसर्जित होते, असं असीम सरोदे यांनी सांगितल आहे. 

विसर्जित झालेल्या विधानसभेची निवडणूक होत नाही. त्यसाठी मतदानही होत नसल्याने विधानसभा बरखास्त झाली तर कुठल्याही प्रकारच्या निवडणुकीच आयोजन करता येत नाही, असं सरोदे यांनी म्हटलं आहे.