महाराष्ट्रातील काँग्रेसच्या महिला आमदारावर जीवघेणा हल्ला, हल्लेखोराने पाठीमागून येत...
दिवंगत काँग्रेस नेते राजीव सातव यांच्या पत्नी आमदार डॉ प्रज्ञा सातव यांच्यावर जीवघेणा हल्ला झाला आहे. सातव यांनी स्वतः सोशल मीडियावरून त्यांच्यावर झालेल्या हल्ल्याची माहिती दिली.
हिंगोली जिल्ह्यातील कळमनुरी तालुक्यातील कसबे धावंडा गावात दौऱ्यावर असताना एका अज्ञात व्यक्तीने त्यांच्यावर पाठीमागून हल्ला केला. प्रज्ञा सातव यांच्यावर झालेल्या हल्याने सध्या एकच खळबळ उडाली आहे.
हल्याविषयी माहिती देण्यात प्रज्ञा सातव म्हणाल्या, "माझे पती राजीव सातव नाहीत आणि माझी मुले लहान आहेत. मी कोणाचेही वाईट केले नाही. महिला आमदारावरील हल्ला हा लोकशाही वर हल्ला आहे. माझ्या जीवाला धोका असला तरी मी माझ्या लोकांसाठी काम करत राहीन".
दरम्यान, राजीव भाऊंचे आशीर्वाद माझ्या पाठीशी आहेत. इतिहासात सावित्रीबाई फुले, इंदिराजी यासारख्या थोर महिलांवर ही हल्ले झाले. मात्र त्यांनी घरी न बघता आपले चांगले काम सुरू ठेवले. हा माझ्यावर पूर्वनियोजित हल्ला होता. असं प्रज्ञा सातव ट्विटमध्ये सांगितल आहे.
0 Comments