सांगोला तालुक्यात गोवा बनावटीच्या विदेशी मद्याच्या 52 पेट्या जप्त
सांगोला - राज्य उत्पादन शुल्क विभाग निरीक्षक माळशिरस विभाग व दुय्यम निरीक्षक सांगोला तसेच दुय्यम निरीक्षक अकलूज यांच्या पथकाने संयुक्तपणे शुक्रवार व शनिवार (ता. 10 व 11 फेब्रुवारी) मौजे डिकसळ गावच्या हद्दीत जवळा-जत रोडवर वाहतूक होणारी तसेच
हॉटेल शिवनेरी मधील बनावट विदेशी गोवा राज्य निर्मीत मद्याची 52 पेट्या विदेशी दारु जप्त केली आहे, तसेच 2000 बुचे, गुन्ह्यात वापर होत असलेल्‍या एक महिंद्रा कंपनीची बोलेरो, मारुती अल्टो, व हिरोहोन्डा स्प्लेंडर दुचाकी जप्त केले आहे.
सविस्तर वृत्त असे की, मिळालेल्या गोपनीय माहितीच्या आधारे शुक्रवारी दुपारच्या सुमारास राज्य उत्पादन शुल्क विभागाच्या निरिक्षक माळशिरस विभाग संदीप कदम यांनी सहा.दुय्यम निरीक्षक रवि पवार व जवान यांचेसह डिकसळ येथे सापळा रचुन बनावट गोवा राज्य निर्मीत मद्य विक्री व वाहतूक करण्याच्या उद्देशाने मिळून आल्याने दोन आरोपींविरुद्ध महाराष्ट्र दारुबंदी कायद्यान्वये गुन्हा नोंदविण्यात आला आहे.
सदर गुन्ह्यात रु. 12 लाख 60 हजार 880/- रु. किंमतीच्या विदेशी बनावट गोवा राज्य निर्मीत 33 पेट्या मद्य दोन वाहनासह मुद्देमाल हस्तगत करण्यात आला. तसेच राज्य उत्पादन शुल्क विभागाच्या दुय्यम निरिक्षक सांगोला विभाग, के.यु.छत्रे व जवानासह रात्रीच्या सुमारास
सांगोला तालुक्यातील येळवी-डिकसळ रोडवर सापळा रचुन गोवा राज्य निर्मीत विदेशी मद्याच्या वाहतूकीवर कारवाई केली. या कारवाईत राज्य उत्पादन शुल्क दुय्यम निरीक्षक सांगोला विभागाने 2 लाख 83 हजार किंमतीचे बनावट गोवा राज्य निर्मीत 20 पेट्या विदेशी मद्य जप्त केले.
ही कारवाई राज्य उत्पादन शुल्क विभागाचे आयुक्त डॉ. विजय सूर्यवंशी यांच्या आदेशानुसार संचालक सुनिल चव्हाण, विभागीय उपआयुक्त मोहन वर्दे, अधीक्षक नितीन धार्मिक व उपअधीक्षक आदित्य पवार यांच्या मार्गदर्शनाखाली निरिक्षक संदीप कदम, दुय्यम निरीक्षक कैलास छत्रे, सहायक दुय्यम निरिक्षक रवि पवार, जवान तानाजी जाधव, तानाजी काळे, अशोक माळी यांनी पार पाडली.
आवाहन
सोलापूर जिल्ह्यातील अवैध दारू विक्री ठिकाणे, हातभट्ट्या, धाबे, हॉटेल तसेच गोवा राज्यातून तस्करी होणा-या दारूवर विभागाने लक्ष केंद्रित केले
असून त्याविरोधात कारवाई करण्यासाठी विशेष पथके नेमण्यात आलेली आहेत. तसेच रात्रंदिवस सदर पथकाद्वारे पाळत ठेवण्यात येत असून अवैध दारू निर्मिती, विक्री व वाहतूकीविरोधात सातत्याने कारवाई करण्यात येत आहे. सर्व नागरिकांना आवाहन करण्यात येते की त्यांनी त्यांच्या परिसरात अवैध दारूची माहिती मिळाल्यास या विभागास संपर्क साधावा.
0 Comments