धक्कादायक घटना 'मला तू खूप आवडतेस', म्हणत बापानेच केलं मुलीसोबत घृणास्पद कृत्य

धक्कादायक घटना 'मला तू खूप आवडतेस', म्हणत बापानेच केलं मुलीसोबत घृणास्पद कृत्य

पुणे शहरालगत असलेल्या किरकिवाडी परिसरातून एक धक्कादायक घटना समोर आली आहे. एका व्यक्तीने झाडाला गळफास घेऊन आत्महत्या केल्याचे समोर आले आहे. आपल्या स्वतच्या मुलीसोबत अतिप्रसंग करण्याचा प्रयत्न या बापाने केला होता. आईने पोलिसात तक्रार दाखल केल्यानंतर पोलिस त्याच्या शोधात होते.

 मात्र त्या व्यक्तीचा आज गळफास घेतलेल्या अवस्थेत मृतदेह सापडला आहे. बंडू लक्ष्मण ढवळे असे आत्महत्या केलेल्या व्यक्तीचे नाव आहे. दारूच्या नशेत स्वतःच्या मुलीसोबत अश्लील कृत्य केल्याचे तपासात समोर आले आहे. याबाबत मुलीच्या आईने हवेली पोलिसात फिर्याद दाखल केली होती.

याबाबत पोलिसांनी दिलेली माहिती अशी की, ५ फेब्रुवारीला दुपारच्या सुमारास बंडू काळे हा दारूच्या नशेत घरी आला. त्यावेळी त्याची १९ वर्षांची मुलगी घरात एकटीच होती. 

तुला पोलीस भरती करायचेय, काय येईल तेवढा खर्च मी करणार आहे, मला तु खुप आवडतेस," असं म्हणत नराधम बापाने मुलीसोबत अश्लील कृत्य करण्यास सुरुवात केली. त्यामुळे मुलीने घाबरलेल्या अवस्थेत घरातून पळ काढला. त्यावेळी तिने आई कामावर गेलेले ठिकाण गाठले. 

मुलीने आईला घडलेला सगळा प्रकार सांगितला. त्यानंतर आईने क्षणाचाही विलंब न करता मुलीसोबत हवेली पोलिस स्टेशन गाठले आणि नराधमा विरोधात तक्रार दाखल केली. 

आणि त्यांच्या मूळ गावी निघून गेल्या. घडलेल्या प्रकारानंतर मुलीचा बाप देखील फरार झाला होता. पोलिस त्याचा शोध घेत होते. मात्र शुक्रवारी एका व्यक्तीने झाडाला गळफास घेऊन आत्महत्या केल्याचे समोर आले. त्यानंतर पोलिसांनी तपास केला आणि संपूर्ण प्रकार उघड झाला.