शालेय विद्यार्थ्यांसाठी आनंदाची बातमी, दिवाळीच्या सुट्ट्या जाहीर, विद्यार्थ्यांना ‘इतके’ दिवस मिळणार सुट्ट्या…

 शालेय विद्यार्थ्यांसाठी आनंदाची बातमी, दिवाळीच्या सुट्ट्या जाहीर, विद्यार्थ्यांना ‘इतके’ दिवस मिळणार सुट्ट्या…

शालेय विद्यार्थ्यांसाठी आनंदाची बातमी आहे. यंदाच्या दिवाळीत शाळांना दिल्या जाणाऱ्या सुट्ट्या शिक्षण विभागाने जाहीर केल्या आहेत. त्यामुळे विद्यार्थ्यांना यंदाच्या दिवाळीत धमाल करता येणार आहे..

शालेय शिक्षण विभागाच्या माहितीनुसार, राज्यातील प्राथमिक शाळांना 21 ऑक्टोबर ते 5 नोव्हेंबर दरम्यान, तर माध्यमिक शाळांना 21 ऑक्टोबर ते 12 नोव्हेंबर या कालावधीत सुट्ट्या जाहीर करण्यात आल्या आहेत.

प्रथम सत्र 20 ऑक्टोबरपर्यंत..

विद्यार्थ्यांचे प्रथम सत्र 20 ऑक्टोबरला संपेल, तर दिवाळीला सुरुवात वसुबारसेपासून (21 ऑक्टोबर) होणार आहे. त्यानुसार, प्राथमिक शाळांना 21 ऑक्टोबर ते 5 नोव्हेंबर दरम्यान सुट्ट्या आहेत. तसेच, 6 नोव्हेंबरला रविवार असल्याने, 7 नोव्हेंबरपासून शाळा नियमित सुरु होतील.

माध्यमिक शाळांना 21 ऑक्टोबर ते 12 नोव्हेंबरदरम्यान सुट्ट्या आहेत. 13 नोव्हेंबरला रविवार असल्याने 14 नोव्हेंबरपासून शाळा सुरु होतील. या वेळापत्रकानुसार माध्यमिक शाळांना पाच-सहा दिवस जादा सुट्टी मिळणार आहे.

दिवाळीच्या सुट्ट्यांमध्ये अनेक जण बाहेर फिरायला जाण्याचे नियोजन करतात. त्यामुळे विद्यार्थी-पालकांसोबतच शिक्षक व कर्मचाऱ्यांमध्येही दिवाळीच्या सुटीचे औत्सुक्य असते.