महाराष्ट्र हादरला : मदतीचे आश्वासन देऊन भंडाऱ्यात 35 वर्षीय महिलेवर सामूहिक अत्याचार
मदतीचे आश्वासन देऊन 35 वर्षीय महिलेवर बलात्कार झाल्याची घटना भंडाऱ्यात घडली आहे . या प्रकरणात दोन आरोपींना अटक करण्यात आली असून काही आरोपींचा शोध सुरू आहे . दरम्यान आरोपीकडून गुन्हायासाठी वापरलेल्या दोन दुचाकी जप्त करण्यात आल्या आहेत . पीडितेची प्रकृती बिकट असून नागपूरमध्ये तिच्यावर उपचार सुरु आहेत .
तर अटक आरोपींना 8 ऑगस्टपर्यंत पोलीस कोठडी सुनावण्यात आली आहे . पीडित महिला पतीपासून विभक्त झाली होती . ती गोंदियामध्ये राहणाऱ्या तिच्या बहिणीकडे आली होती .
30 जुलैला बहिणीसोबत भांडण झाल्याने तिने रात्री बहिणीचे घर सोडले .गोंदियातील जिल्ह्यातील गोरेगाव तालुक्यातील कमरगाव या ठिकाणी आईकडे जाण्याच्या बहाण्याने ती निघाली होती . रस्त्यात भेटलेल्या अज्ञात आरोपीने तिला घरी सोडण्याच्या बहाण्याने कारमध्ये बसवले . मात्र , आरोपीने तिला घरी सोडले नाही . गोंदिया जिल्ह्याच्या मुंडीपार जंगलात नेऊन 30 जुलैला तिच्यावर अत्याचार केला .
आरोपी एवढ्यावरच थांबला नाही , त्याने दुसऱ्या दिवशीही 31 जुलैला पळसगाव जंगलात नेऊन पीडितेवर अत्याचार केला . त्यानंतर पीडितेला तिथेच सोडून आरोपीने पळ काढला .पीडिता कशीबशी जंगलातून निघून भंडाऱ्यातील लाखनी तालुक्यातील कन्हाळमोह गावातील धर्मा ढाब्यावर पोहोचली . तिथे दुचाकी दुरुस्त करणाऱ्या ( आरोपी 2 ) आरोपीसोबत तिची भेट झाली . त्यानंतरही घरी सोडण्याच्या बहाण्याने पीडितेवर अत्याचार केले .
आरोपीने आपल्या एका मित्राला सोबत घेत एक ऑगस्ट रोजी पीडीतेला निर्मनुष्य ठिकाणी नेत पीडितेवर वारंवार अत्याचार केले .यानंतर पीडितेला कारधा पोलीस ठाण्याच्या हद्दीत येणाऱ्या कन्हाळ मोह गावाच्या पुलाजवळ सकाळी 8 वाजता विवस्त्र अवस्थेत सोडून तिथून पळ काढला . भंडारा जिल्ह्यातील कारधा पोलीस स्टेशन अंतर्गत कनहाडमोह गावाजवळ झालेल्या सामूहिक बलात्कार प्रकरणातील पिडीतेची अवस्था गंभीर आहे .
0 Comments