“सांगोल्याच्या नदीचे नाव माण, रेखा माझी जान” 
सांगोला/माणदेशातील रांगड नेतृत्व म्हणून शहाजीबापूची ओळख देशभर पसरलेली आहे. माझा कट्ट्यावरही ही बापूचीच हवा पुन्हा एकदा पहावयास मिळाली.यावेळी बापूंनी सांगोल्यातील नदीच्या नावाच यमक जुळवून आपल्या पत्नीच्या नावाचा उखाणा घेतला. पत्नी रेखा यांचं नाव घेताना शहाजीबापूंनी “माझ्या दुष्काळाला पाणी देणाऱ्या नदीचं नाव आहे माण अन् रेखा माझी जाण”,असा खणखणीत उखाणा घेतला.
हल्ली शहाजीबापू हे प्रसिद्धीच्या झोतात आहेत. त्यांच्या सुप्रसिद्ध “काय झाडी… काय डोंगार… काय हाटील… एकदम ओके” या डायलॉगमुळे महाराष्ट्रभरात त्यांचे नाव चर्चिले जात आहे. अनेक प्रसार माध्यमांवर त्यांच्याबाबतचा मजकूर प्रसिद्ध होताना दिसतो. अनेक वृत्तवाहिन्यांनी त्यांच्या मुलाखती प्रसारित केल्या आहेत. नुकताच “चला हवा येऊ द्या” या कार्यक्रमात शहाजी बापू यांनी सहभाग घेऊन आपल्या व्यक्तिमत्त्वाचे पैलू महाराष्ट्र समोर मांडले. विविध किस्से सांगत त्याने प्रेक्षकांना हसविले. शहाजीबापू हे एक उत्तम शीघ्र कवी असल्याचेही या कार्यक्रमाच्या निमित्ताने दिसून आले.
काय झाडी… काय डोंगार… काय हाटील… एकदम ओके” या आठ शब्दांमुळे महाराष्ट्रबरोबरच इंटरनेटच्या माध्यमातून जगभरात अल्पवाधित लोकप्रिय झालेले सोलापूर जिल्ह्यातील सांगोल्याचे शिवसेनेचे बंडखोर आमदार शहाजीबापू राजाराम भोसले-पाटील आपल्या पत्नीसहीत नुकतेच झी मराठीवरील ‘चला हवा येऊ द्या’ कार्यक्रमामध्ये सहभागी झाले होते. आपल्या गावरान आणि स्पष्ट वक्तव्यांमुळे मागील काही आठवड्यांमध्ये महाराष्ट्रात प्रचंड लोकप्रिय झालेल्या शहाजीबापूंनी या कार्यक्रमात अगदी आपल्या पत्नीच्या खांद्यावर प्रेमाने हात ठेवत उखाणा घेतल्याचं पहायला मिळालं. या उखाण्याला कार्यक्रमाचे सुत्रसंचालक निलेश साबळेंपासून ते स्वप्नील जोशीनेही टाळ्या वाजवत दाद दिली. विशेष म्हणजे हा उखाणा ऐकून शहाजीबापूंच्या पत्नीही हसून लाजल्याचं पहायला मिळालं. झाडी, डोंगार, हाटीलमुळे लोकप्रिय झालेल्या शहाजीबापू पाटील यांच्या याच संवादाच्या अवतीभोवती थुकरटवाडीतील स्कीट रचण्यात आले होते.
विशेष म्हणजे यावेळेस शहाजीबापूंनी खास उखाणाही घेतल्याचं पहायला मिळालं. मातीशी नाळ जोडलेला नेता ही ओळख जपणारा उखाणा घेताना शहाजीबापूंनी सांगोल्यातील नदीच्या नावाचं यमक आपल्या पत्नीचं नाव घेताना जुळवल्याचं पहायला मिळालं. पत्नी रेखाचं नाव घेताना शहाजीबापूंनी, “माझ्या दुष्काळाला पाणी देण्याऱ्या नदीचं नाव आहे माण अन् रेखा माझी जान” असा खणखणीत उखाणा घेतला. हा उखाणा ऐकून रुपाली ठोंबरेंसहीत किशोरी पेडणेकर यांनाही हसू आलं. तर स्वप्नील जोशीने ‘एक नंबर’ असं म्हणत या उखाण्याला दाद दिल्याचं पहायला मिळालं.
शहाजी बापू गुवाहाटीमधून सांगोल्यामध्ये परतल्यानंतर प्रसारमाध्यमांसमोर रेखा यांनी उखाणा घेतला होता. “असेल तिथे मुलीनं नम्रतेनं वागावे, शहाजीबापूसारखे पती मिळाल्यावर देवाजवळ आणखी काय मागावे,” असं आपल्या आमदार पतीचं नाव घेताना रेखा यांनी म्हटलं होतं.
0 Comments