ब्रेकिंग .. सोलापुरातील शेळगीत आई व मुलाने एकाच साडीने राहत्या घरी गळफास घेतला

 ब्रेकिंग .. सोलापुरातील शेळगीत आई व मुलाने एकाच साडीने राहत्या घरी गळफास घेतला

सोलापुरातील शेळगी परिसरात आई व मुलाने एकाच साडीने राहत्या घरी गळफास घेतला आहे . ही घटना 30 मे रोजी सकाळी उघडकीस आली . पोलिसांनी दोन्ही मृतदेह शवविच्छेदन साठी शासकीय रुग्णालयात दाखल केले आहे . या घटनेमुळे सोलापुरात हळहळ व्यक्त केली जात आहे . पण या मागील कारण अद्यापही अस्पष्ट आहे . याची नोंद जोडभावी पेठ पोलीस ठाण्यात झाली असून पोलीस तपास सुरू आहे . 

उमादेवी सिद्धेश्वर पुराणिक ( वय 62 वर्ष , रा शिवगंगा नगर , शेळगी , सोलापूर ) , दिग्विजय सिद्धेश्वर पुराणिक ( वय 42 वर्ष , रा , शिवगंगा नगर , शेळगी सोलापूर ) असे मृत आई व मुलाचे नाव आहे . राहत्या घरी अज्ञात कारणावरून या दोघांनी 30 मे रोजी एकाच साडीने गळफास घेतला .सकाळपासून घटात सामसूम दिसत असल्याने , आजूबाजूच्या नागरिकांनी आत डोकावून पाहिले . दोघे गळफास घेतल्याच्या अवस्थेत आढळून आले . 

याबाबत जोडभावी पेठ पोलिसांना ताबडतोब माहिती देण्यात आली . पोलिसांनी पंचनामा करून दोघांना शासकीय रुग्णालयात उपचारासाठी दाखल केले . डॉक्टरांनी तपासून दोघांना मृत घोषित केले . शासकीय रुग्णालयातील पोलीस चौकीत याबाबत नोंद झाली आहे .