तिरंगी झेंड्याच्या पाईपमध्ये विजेचा प्रवाह, एका विद्यार्थ्याचा मृत्यू !
बक्सर : भारतीय प्रजासत्ताक दिन साजरा करीत असताना ध्वजाच्या पाईपमधून विजेचा प्रवाह गेल्याने एका विद्यार्थ्याचा मृत्यू झाला असून अनेक मुले जखमी होण्याची दुर्दैवी घटना घडली आहे.
देश मोठ्या आनंदात आणि उत्साहात भारतीय प्रजासत्ताक दिन साजरा करीत असताना बिहारच्या बक्सरमध्ये ही दुर्घटना घडली आहे. बक्सर येथील नाथुपूर येथील प्राथमिक शाळेत आज २६ जानेवारीच्या प्रजासत्ताक दिनानिमित्त ध्वज फडकावत असताना अचानक ही घटना घडली
आणि काही क्षणात प्रजासत्ताक दिनाच्या उत्साहावर पाणी पडले. अचानक शाळेतील विद्यार्थ्यांना विजेचा धक्का लागला आणि एकाच गोंधळ आणि गदारोळ उठला. विजेच्या या धक्क्यामुळे एक विद्यार्थी मृत्युमुखी पडला तर चार विद्यार्थी जखमी झाले आहेत. त्यांना तातडीने बक्सर रुग्णालयात हलविण्यात आले आहे.
शाळेतील ध्वजारोहणाच्या सोहळ्यासाठी मुले उपस्थित होती. अचानक ध्वज फडकविण्यात येणाऱ्या पाईपमध्ये विजेचा करंट आला आणि विद्यार्थ्यांना जोरदार धक्का बसला. अनके विद्यार्थी जखमी झाले असून त्यांना रुग्णालयात हलविण्यात आले आहे. उत्साही वातावरणातील कार्यक्रमात अचानक सगळे वातावरण बदलून गेले.
त्यात एका विद्यार्थ्याचा मृत्यू झाल्याने तर शाळेवर शोक करण्याची वेळ आली आहे. घटनेची माहिती मिळताच स्थानिक प्रशासन या शाळेकडे धावले. ध्वज फडकविण्याच्या पाईपमध्ये विजेचा प्रवाह कसा आला याचा शोध आता स्थानिक अधिकारी घेऊ लागले आहेत. या सम्पूर्ण घटनेची चौकशी केली जाणार आहे पण एका विद्यार्थ्याचा प्राण या घटनेत गेल्याने दु:ख व्यक्त करण्यात येत आहे. .
या घटनेने बक्सरमध्ये एकच हलकल्लोळ निर्माण झाला असून पालकांत तर प्रचंड घबराट निर्माण झाली आहे. शाळेत गेलेले विद्यार्थीही सुखरूप राहू शकत नाहीत यामुल पालकातून चिंता व्यक्त होऊ लागली असून घटनेची माहिती मिळताच पालक, प्रशासकीय अधिकारी, आजी माजी लोकप्रतिनिधी यांनी शाळेकडे धाव घेतली. रुग्णालयात दाखल मुलांची विचारपूस करून त्यांच्यावर व्यवस्थित उपचार होत आहेत काय ?
याची खात्री त्यांनी करून घेतली. सदर घटना वीज विभागाच्या निष्काळजीपणामुळे घडली असून दोषींवर कडक कारवाई करण्याची मागणी काँग्रेसचे आमदार विश्वनाथ राम यांनी केली आहे. आजच्या या घटनेने मात्र अनेकांना हादरा बसला आहे.
0 Comments