सांगोल्यात गोव्याची दारू पकडली, तब्बल 56 लाखाचा मुद्देमाल जप्त

 सांगोल्यात गोव्याची दारू पकडली, तब्बल 56 लाखाचा मुद्देमाल जप्त

सोलापूरच्या राज्य उत्पादन शुल्क विभागाने सांगोला जवळ गोवा बनावटीची विदेशी दारूची वाहतूक करणार्‍या टेम्पोला पकडून तब्बल 56 लाख रुपयांचा मुद्देमाल जप्त केला.

 सोलापूर राज्य उत्पादन शुल्क विभागाला मिळालेल्या माहितीनुसार विभागीय भरारी पथक पुणे यांच्या पथकाने निरीक्षक, राज्य उत्पादन शुल्क माळशिरस व पंढरपूर विभाग यांचे समवेत सांगोला तालुक्यातील आटपाडी पंढरपूर रोड वर कटफळ गावच्या हद्दीत हॉटेल किनारा या ठिकाणी छापा मारुन गोवा राज्य निर्मीत व  विक्रीस परवानगी असलेले  इंम्पीरीयल ब्लू व्हिस्की 750 मि.ली. क्षमतेच्या 900 सिलबंद बाटल्या (75 बॉक्स), इंम्पीरीयल ब्लू व्हिस्की 180 मिली क्षमतेच्या 23904 सिलबंद बाटल्या (498 बॉक्स), रॉयल चॅलेंज व्हिस्की 750 मिली  540 सिलबंद बाटल्या मिळून आल्या. तसेच टाटा कंपनीचा 1613 मॉडेलचा  सहा चाकी ट्रक  क्र. MH14 – EM 4495 व इतर साहीत्य असा एकुण अंदाजे किंमत  56 लाख 29 हजार 975 इतक्या किंमतीचा मुददेमाल  जप्त करण्यात आला. या गुन्हयामध्ये ज्ञानेश्वर अशोक भोसले, वय 31 वर्षे, रा. पोखरापूर, ता.मोहोळ, जि. सोलापूर यास अटक करण्यात आलेली आहे. 

राज्य उत्पादन शुल्कचे विभागीय उपआयुक्त प्रसाद सुर्वे, सोलापूर अधीक्षक नितिन धार्मीक यांच्या मार्गदर्शनाखाली निरीक्षक दिगंबर शेवाळे, दुय्यम निरीक्षक संजय बोधे, शहाजी गायकवाड, सहाय्यक दुय्यम निरीक्षक प्रविण पुसावळे, गणेश सुळे व जवान स्टाफ प्रताप कदम, अमर कांबळे,अहमद शेख, भरत नेमाडे, शशांक झिंगळे, सतीश पोंधे, अनिल थोरात व तानाजी जाधव यांनी सहभाग घेतला.