खासगी शाळांचा फी कपातीला ठेंगा शिक्षणाधिकाऱ्यांनी बजावल्या ३३५ शाळांना नोटिसा
सोलापूर : शालेय शिक्षण विभागाने शैक्षणिक शुल्कात १५ टक्के फी कपात करण्याचा आदेश काढला आहे . मात्र , शाळांनी पालकांकडून पूर्वीप्रमाणे फी वसूल करत शासनाच्या आदेशाला ठेगा दाखवला आहे . कोरोनामुळे जवळपास गेल्या वर्षभरापासून शाळा बंद आहेत .
विद्यार्थ्यांना ऑनलाईन पध्दतीने शिक्षण दिले जात आहे . परिणामी विद्यार्थी शाळेत जात नसल्याने विविध प्रकारच्या शुल्कात माफी मिळण्याची मागणी पालकांकडून केली जात होती . अनेक शाळांकडून फी वसुलीसाठी तगादा लावला जात असल्याच्या पालकांच्या तक्रारी शिक्षणाधिकारी ,शिक्षणमंत्र्यांकडे गेल्या होत्या . त्यामुळेशालेय शिक्षण विभागाने यंदाच्या शैक्षणिक वर्षात १५ टके फी कपात करण्याचा आदेश दिला आहे .
असे असतानादेखील बऱ्याच खासगी शाळांमधून सध्याही पूर्वीप्रमाणेच फी वसुली सुरू असल्याच्या तक्रारी शिक्षणाधिकारी यांच्याकडे पुन्हा गेल्या आहेत . परिणामी प्राथमिक शिक्षण विभागाचे शिक्षणाधिकारी संजयकुमार राठोड यांनी खासगी सर्वच ३३५ शाळांना याबाबत नोटिसा बजावल्या आहेत . ज्या शाळांकडून सवलत दिली जात नाही त्या शाळांच्या तक्रारी शिक्षण विभागाकडे करण्याचे आवाहन शिक्षणाधिकारी राठोड यांनी केले आहे .
0 Comments