इंधन व घरगुती गॅस दरवाढीच्या निषेधार्थ राष्ट्रवादी कॉंग्रेसची निदर्शने -
सांगोला/गेल्या काही दिवसांपासून घरगुती गॅस पेट्रोल डिझेलच्या दरात सातत्याने वाढ होत असल्याने देशभरातील सर्व सामान्य नागरिक अडचणीत येऊ लागला आहे. घरातील गृहिणी पासून ते शेतात काम करणाऱ्या शेतमजूर पर्यंत सर्वांनाच या इंधन दरवाढीची झळ बसत आहे. इंधन व घरगुती गॅस दरवाढीच्या निषेधार्थ सांगोल्यातील राष्ट्रवादी काँग्रेस चांगलीच आक्रमक झाली आहे. उद्विग्न झालेल्या राष्ट्रवादी काँग्रेसच्या पदाधिकाऱ्यांनी केंद्र सरकारला आम्ही जगावे की मरावे असा सवाल यावेळी केला आहे. इंधन दरवाढीचा निषेध करत आगामी काळात जर वाढ न रोखल्यास तीव्र आंदोलन करण्याचा इशारा दिला आहे
.घरगुती गॅसच्या किमतीत नुकतीच आणखी पंचवीस रुपयांची वाढ झाली आहे तर पेट्रोल-डिझेलच्या दराने तर इतिहासातील उच्चांकच गाठला आहे या घरगुती गॅस व पेट्रोल डिझेल दरवाढीच्या विरोधात सबंध राज्यभर राष्ट्रवादी काँग्रेस पार्टीने इंधन दरवाढीच्या विरोधात मोर्चा पुकारला आहे त्याचाच एक भाग म्हणून सांगोला येथील राष्ट्रवादी काँग्रेसच्या पदाधिकाऱ्यांनी जोरदार घोषणाबाजी पोस्टरबाजी करून केंद्र सरकारचा निषेध नोंदविला यावेळी आपल्या विविध मागण्यांचे निवेदन तहसीलदार अभिजीत पाटील यांना दिले
यावेळी राष्ट्रवादी काँग्रेसचे तालुकाध्यक्ष चंद्रकांत शिंदे, शहराध्यक्ष तानाजीकाका पाटील, शिवाजीनाना बनकर मधुकर बनसोडे विजय राऊत सोमनाथ राऊत युवकचे जिल्हा उपाध्यक्ष सतीश काशीद, महिला तालुकाध्यक्षा सखुबाई वाघमारे मंगल खाडे शशिकला खाडे शकुंतला खडतरे रुक्मिणी रणदिवे सरपंच नंदकुमार दिघे योगेश खटकाळे विजय केदार अजित गोडसे अमोल सावंत अमित केदार तुकाराम आळसुंदकर महादेव पवार नितीन वसेकर प्रवीण मराळ समाधान कोळी गणेश भंडारे अनिल चव्हाण शिवाजी इंगोले आलमगीर मुल्ला सुनील गायकवाड बंडू पाटील उपाध्यक्ष गिरीश पाटील सर शहरचे पांडुरंग पाटील सुयश बिनवडे अक्षय पाटील रामदास काळे आप्पासाहेब बाबर भारत साळुंखे समाधान कोळी नागेश लोखंडे आदींसह पदाधिकारी मोठ्या संख्येने उपस्थित होते.गेल्या सुमारे दोन वर्षांपासून देशभर कोरोना महामारी मुळे लोक डाऊन असल्याने सामान्य नागरिकांच्या आर्थिक उत्पन्नावर मर्यादा आल्या आहेत अशा वेळी सातत्याने दररोज आवश्यक असणाऱ्या घरगुती गॅस आणि पेट्रोल डिझेलच्या किमतीत वाढ होऊ लागल्याने सर्वसामान्य नागरिकांचे शेतकरी शेतमजुरांचे आणि मध्यमवर्गीय तसेच नोकरदारांचे ही आर्थिक बजेट कोलमडले आहे याकडे लक्ष वेधत राष्ट्रवादी काँग्रेसने राज्यभर घरगुती गॅस पेट्रोल डिझेल दरवाढीचा निषेध करत केंद्र सरकारच्या विरोधात जोरदार घोषणाबाजी केली आगामी काळात घरगुती गॅस तसेच पेट्रोल-डिझेल सह महागाई आटोक्यात न आल्यास राष्ट्रवादी काँग्रेसच्या माध्यमातून राज्यभर तीव्र आंदोलन करू अशा वेळी निर्माण होणाऱ्या कायदा-सुव्यवस्थेचा प्रश्न पूर्णतः केंद्र सरकार जबाबदार राहील असा इशाराही या निवेदनातून देण्यात आला आहे. :
0 Comments