" पोलिस दलातील प्रत्येक शिपाई PSI होणार " , गृहमंत्र्यांनी दिली माहिती

 " पोलिस दलातील प्रत्येक शिपाई PSI होणार " , गृहमंत्र्यांनी दिली माहिती

पुणे | पुणे ग्रामीण पोलिस दलाच्यावतीने कल्याण शाखेमार्फत पोलिस मुख्यालय ग्रामीणच्या आवारात उभारण्यात आलेल्या दोन पेट्रोल पंपांचे उद्घाटन आज ( २ जुलै ) राज्याचे उपमुख्यमंत्री अजित पवार यांच्या हस्ते झाले . या कार्यक्रमात गृहमंत्री दिलीप वळसे पाटील उपस्थित होते . या कार्यक्रमात ते बोलत होते . पोलिस दलात दाखल झालेला प्रत्येक शिपाई पीएसआय म्हणून निवृत्त पोलिस दलात शिपाई म्हणून दाखल झालेल्या शिपायाला पीएसआयपर्यंत पदोन्नती मिळविण्यासाठी फार काळ प्रतीक्षा करावी लागते , काही जण त्यापूर्वीच निवृत्त होतात . मात्र , पोलिस दलात दाखल झालेला प्रत्येक शिपाई पीएसआय म्हणून निवृत्त होईल , अशी योजना आखली आहे . त्यामुळे राज्य सरकारवर फार आर्थिक भार वाढणार नाही . त्यासंबंधीचा प्रस्ताव सरकारला पाठविण्यात आला आहे ,अशी माहिती गृहमंत्री दिलीप वळसे पाटील यांनी दिली . दरम्यान , ' या प्रस्तावाबाबत एकत्र बसून निश्चीत चर्चा करू ' , असे अजित पवार यांनी वळसे पाटील यांना सांगितले आहे . खंडणी , लाचखोरी अशा अमिषाला बळी पडू नका पोलिसांनी सामाजिक जीवनात वावरताना कोणत्याही पद्धतीची चुकीची घटना घडणार नाही याची काळजी घ्यावी . चुकीच्या कृत्यामुळे संपूर्ण पोलिस दलाची बदनामी होते . खंडणी , लाचखोरी अशा अमिषाला बळी पडू नका , असे आवाहन राज्याचे उपमुख्यमंत्री अजित पवार यांनी पोलिस कर्मचाऱ्यांना केले आहे .