' व्हेईकल स्कॅपेज पॉलिसी'ला मंजुरी १५ वर्षाहून जुनी वाहने जाणार भंगारात १ एप्रिलपासून होणार अंमलबजावणी वाहनांच्या किमती कमी होणार : गडकरी

 दिल्ली . केंद्रीय रस्ते वाहतूक आणि महामार्ग मंत्रालयाने ' व्हेइकल स्क्रॅपेज पॉलिसी'च्या अंमलबजावणीला मंजुरी दिली आहे . त्यामुळे आता सरकारी विभागाची आणि सार्वजनिक क्षेत्रातील कंपन्यांकडील 15 वर्षाहून जुनी वाहने आता थेट भंगारात निघणार आहेत

. या निर्णयाची अंमलबजावणी येत्या 1 एप्रिलपासून करण्यात येणार असल्याचे जारी करण्यात आलेल्या परिपत्रकात म्हटले आहे .सरकारी विभागातील आणि सार्वजनिक क्षेत्राकडील 15 वर्षापेक्षा जुन्या वाहनांची नोंदणी रद्द करण्यात येणार आहे

रस्ते वाहतूक आणि महामार्ग मंत्रालयाने 26 जुलै 2019 रोजी मोटार वाहन कायद्यात दुरुस्तीचा प्रस्ताव मांडला होता . त्यामध्ये सरकारी विभागाच्या 15 वर्षाहून जुन्या वाहनांना भंगारात काढावे अशी तरतूद करण्यात आली होती . केंद्रीय मंत्री नितीन गडकरी यांनी या धोरणाबाबत माहिती देताना सांगितले की मंत्रालयाच्या या स्क्रॅपेज धोरणाच्या प्रस्तावाला मान्यता मिळाली आहे . या स्क्रॅपेज धोरणामुळे लवकरच भारत हा ऑटोमोबाईल क्षेत्रातील आघाडीचा देश बनेल आणि वाहनांच्या किमतीही कमी होण्यास मदत होईल असेही गडकरी म्हणाले . व्हेइकल स्कॅपेज पॉलिसीमुळे भंगारात गेलेल्या जुन्या साहित्याचा पुनर्वापर करता येईल.भारतीय ऑटोमोबाईल क्षेत्राची उलाढाल ही 4.5 लाख कोटी रुपयांच्या घरात आहे .