पोटनिवडणूक लढवुनच बहुजन समता पार्टी आपले राजकीय वजन दाखवून देणार संस्थापक प्रा मच्छिन्द्र सकटे यांची पंढरीतील बैठकीत घोषणा

 पंढरपूरः पंढरपूर येथील शासकीय विश्रामगृह येथे बहुजन समता पार्टीच्या जिल्ह्यातील प्रमुख पदाधिकारी यांची बैठक संपन्न झाली , यामध्ये नवीन पदाधीकारी यांच्या निवडी जाहीर करण्यात आल्या . यावेळी पार्टी वाढीसाठी अनेक विषयांवर चर्चा करण्यात आली .

यामध्ये या भागातील होणारी पंढरपूर मंगळवेढा विधानसभेच्या निवडणुकीत आपल्या या नवीन पार्टीचा उमेदवार उतरून निवडणूक लढविण्याची घोषणा यावेळी प्रा मच्छिद्र सकटे यांनी केली आहे . हा उमेदवार कोण असेल हे अद्याप अस्पष्ट असले तरी पार्टीच्या उमेदवार प्रचाराचा एक भाग म्हणूनच येत्या १ मार्च दिवशी क्रांतिवीर फकिरा राणोजी साठे यांच्या जयंतीनिमित्ताने या मतदार संघातून एक जनसंवाद यात्रेस सुरुवात करणार असल्याचेप्रा . सकटे यांनी सांगितले . या जनसंवाद यात्रातून प्रत्येक गावातील लोकांना या नवीन पार्टीची ध्येय धोरणे पटवून देण्यात येणार आहेत . पंढरपूर हे नुसतं देवभूमीच नाही तर समता भूमीही आहे . यामधील वंचीतामधील वंचितलाही यामध्ये सोबत घेऊनच ही लढाई करणार असल्याचेही यावेळी सांगितले . सदरची जिल्हा बैठक जिल्हाध्यक्ष पांडुरंग खिलारे यांच्या अध्यक्षतेखाली पार पडली . यावेळी नवीन पदाधिकारी यांच्या नावाची घोषणा ही आली , यामध्ये मोहोळ तालुका अध्यक्ष पदी राम नागनाथ माने , सोलापूर जिल्हा सरचिटणीस पदी दगडू यादव , पंढरपूर तालुकाध्यक्ष पदी बाजीराव शंकर बंडगर , माळशिरस तालुका अध्यक्ष पदी चंद्रकांत नाईकनवरे , सांगोला तालुका अध्यक्षपदी पांडुरंग यादव , सोलापूर आणि पंढरपूर संपर्क प्रमुखपदी बळीराम रणदिवे , रवळ विविध भागांतील पदाधिकारी यांना नियुक्ती पत्र देण्यात आले . यावेळी राजाभाऊ खिलारे , सुनील अवघडे , रमेश कांबळे , किशोर जाधव , फुलाबाई रणदिवे , छाया पवार , प्रमोद खनदारे , संपत अवघडे , श्रीमंत मस्के , धनाजी शिवपालक , अमोल खिलारे , मसुदेव काळे , भारत फाळके , चंद्रकांत सरडे , बाळासाहेब पाटील , संतोष रणदिवे , यांच्या सह दलित महासंघ आणि बहुजन समता पार्टी चे कार्यकर्ते उपस्थित होते