शिरभावी येथील शेतकरी कुटुंबातील कार्यकर्ते अनिल शेंडगे यांना जिल्हा परिषद तिकीट जाहीर! रासप सर्व जागा स्वबळावर लढवणार - राष्ट्रीय अध्यक्ष महादेव जानकर
(शब्दरेखा एक्स्प्रेस न्युज संपादक संतोष साठे ९५०३४८७८१२)
प्रतिनिधी:- शिरभावी ता. सांगोला "सामान्य माणूसच खरी ताकद असतो" हे पुन्हा एकदा सिद्ध करत
राष्ट्रीय समाज पक्षाचे अध्यक्ष माजी मंत्री महादेव जानकर हे सोलापूर दौऱ्यावर होते त्यांनी शिरभावी गावातील शेतकरी कुटुंबातून
आलेल्या रासप जिल्हाध्यक्ष अनिल शेंडगे यांच्या घरी मुक्काम केला व अनेक कार्यकर्त्यांच्या मागणीवरून शेंडगे यांना जिल्हा परिषद निवडणुकीसाठी उमेदवारी जाहीर केली व विक्रम होवाळ यांच्या घरी स्नेहभोजन करण्यात आले.
या वेळी बोलताना
> "शेतकऱ्यांना एकरी ५० हजार मदत मिळाली पाहिजे, सातबारा कोरा झाला पाहिजे. ओबीसी आरक्षणावरून चाललेली फूट थांबवण्यासाठी सरकारने तात्काळ निर्णय घेऊन
धनगर व इतर मागासवर्गीयांना एसटी प्रवर्गाचे दाखले द्यावेत. महाराष्ट्राचं वातावरण दूषित झालंय, ते बदलायचं असेल तर तात्काळ निर्णय करून गावगाडा एकसंघ ठेवला पाहिजे."
तसेच त्यांनी शिक्षण क्षेत्रातील अडचणींचाही उल्लेख करत सांगितलं की,
> ओल्या दुष्काळामुळे शेतकऱ्यांची आर्थिक स्थिती हलाखीची झाली आहे. त्यामुळे शाळा, कॉलेजमधील विद्यार्थ्यांची फी सरकारने माफ करावी. शिक्षणाचा बोजा कुटुंबांवर पडू नये.
या वेळी बोलताना जानकरसाहेबांनी आणखी एक मोठी घोषणा केली की
> राष्ट्रीय समाज पक्ष येणाऱ्या जिल्हा परिषद, पंचायत समिती, नगरपालिका अशा सर्व निवडणुकांमध्ये स्वबळावर सर्व जागा लढवणार आहे. सर्वसामान्य जनतेचा पक्ष म्हणून आम्ही मैदानात उतरत आहोत.
यावेळी रासप प्रदेशाध्यक्ष काशिनाथ शेवते, प्रदेश सरचिटणीस अजित पाटील, मराठवाडा अध्यक्ष अश्रुबा कोळेकर, बार्शी तालुका अध्यक्ष किशोर गाडेकर,
सोलापूर जिल्हा अध्यक्ष अनिल दादा शेंडगे, उपाध्यक्ष परमेश्वर पुजारी, सोशल मीडिया प्रमुख डि.के. पाटील, शिरभावी तंटामुक्त
उपाध्यक्ष विक्रम होवाळ तसेच ग्रामपंचायत सदस्य प्रमोद ढोले युवा नेते बाजीराव सलगर, समाधान सलगर, अण्णासो मेटकरी, बापू मस्के, सचिन होवाळ,
गणेश शेंडगे, जगजीतसिंह शेंडगे, प्रणव शेंडगे, पार्थ विक्रम होवाळ आधी पदाधिकारी व कार्यकर्ते उपस्थित होते.
0 Comments