धक्कादायक! सराफा दुकानात गेलेल्या मुलाचा मृत्यू, घातपाताचा संशय; पित्याने दिली पोलिसांकडे तक्रार सांगोला तालुक्यातील घटना..

धक्कादायक! सराफा दुकानात गेलेल्या मुलाचा मृत्यू, घातपाताचा संशय; पित्याने दिली पोलिसांकडे तक्रार सांगोला तालुक्यातील घटना..

(शब्दरेखा एक्स्प्रेस न्युज संपादक संतोष साठे ९५०३४८७८१२)

सांगोला:- सोन्या-चांदीच्या दुकानात कामाला लावतो म्हणून ९ महिन्यांपूर्वी मुलास घेऊन गेलेल्या सराफा व्यापाऱ्यानेच 

फोन करून मुलाचा अपघाती मृत्यू झाल्याची कटू वार्ता दिली अन् पित्याच्या पायाखालची जमीनच सरकली.

दरम्यान, मुलाचा अपघात नसून घातपात झाला असल्याचा संशय व्यक्त करीत संबंधित व्यापाऱ्याविरुद्ध सदोष मनुष्यवधाचा गुन्हा दाखल करावा, 

अशी मागणी वाटंबरे (ता. सांगोला) येथील सीताराम रामचंद्र पवार यांनी पोलिस निरीक्षक भीमराव खणदाळे यांच्याकडे लेखी निवेदनाद्वारे केली आहे.

तक्रारदार सीताराम पवार यांचा मुलगा सिद्धनाथ पवार (वय २८) यास एकाने ९ महिन्यांपूर्वी महिना ३० हजार रुपये पगार देतो म्हणून मुलाला घेऊन गेला.

गेल्या काही दिवसांपासून मुलाच्या वडिलाना कामाचे पैसे मागण्यासाठी वारंवार संपर्क करीत होते. परंतु ते त्यांना कसलीही दाद देत नव्हते.

दरम्यान, बुधवारी (दि. २६) मालक घाडगे यांनी सीताराम पवार यांना फोन करून तुमच्या मुलाचा अपघात झाला आहे, तुम्ही तत्काळ या, असे सांगून मुलगा सिद्धनाथ यास उपचारासाठी रुग्णालयात दाखल केल्याचे सांगितले.

परंतु उपचारापूर्वीच त्याचा मृत्यू झाला. त्याच्या मृत्यूबाबत संशय वाटत असून, पैशाच्या कारणावरून व्यापाऱ्यांनेच मुलाचा घातपात केल्याचा संशय व्यक्त केला.

या घटनेची चौकशी करून त्यांच्यावर सदोष मनुष्यवधाचा गुन्हा दाखल करावा, अशी मागणी लेखी निवेदनाद्वारे केली आहे.