ब्रेकिंग न्यूज..७५ हजार शेतकऱ्यांच्या खात्यावर ११६ कोटी: सांगोला तालुक्यातील शेतकऱ्यांचा दुष्काळनिधी जमा

ब्रेकिंग न्यूज..७५ हजार शेतकऱ्यांच्या खात्यावर ११६ कोटी: सांगोला तालुक्यातील शेतकऱ्यांचा दुष्काळनिधी जमा

(शब्दरेखा एक्स्प्रेस न्युज संपादक संतोष साठे ९५०३४८७८१२)

सांगोला : तालुक्यात २०२३ च्या खरीप हंगामामध्ये दुष्काळामुळे झालेल्या शेती पिकांच्या नुकसानीसाठी बाधित शेतकऱ्यांना देण्यात येणाऱ्या मदतीपोटी 

सांगोला तालुक्यातील ७६ हजार ९५८ शेतकऱ्यांना १५७ कोटी सात लाख ६७ हजारांचा निधी वितरणास राज्य शासनाने मान्यता दिली होती.

त्यातील ७५ हजार ९४६ शेतकऱ्यांच्या खात्यावर ११६ कोटी ९६ लाख २९ हजार ०५३ रुपयांचा दुष्काळनिधी जमा केल्याची माहिती तहसीलदार संतोष कणसे यांनी दिली.

सांगोला तालुक्यात दोन वर्षांपूर्वी भीषण दुष्काळी परिस्थिती निर्माण झाल्याने तालुक्याचा दुष्काळी तालुक्याच्या यादीत समावेश करण्यात आला होता. 

खरीप हंगाम २०२३ मधील दुष्काळामुळे झालेल्या शेतीपिकांच्या नुकसानीसाठी सांगोला तालुक्यातील बाधित शेतकऱ्यांना निविष्ठा अनुदान देण्यासाठी १५७ कोटी ७ लाख ६७ हजार रुपयांचा इतक्या रकमेची तरतूद करण्यात आली. 

आतापर्यंत ७६ हजार ९२४ शेतकरी खातेदारांच्या ११९ कोटी १६ लाख ३४ हजार ५८३ रुपयांच्या याद्या शासनाच्या पोर्टलवर अपलोड करण्यात आल्या आहेत. 

उर्वरित शेतकरी खातेदारांनी लवकरात लवकर दुष्काळी अनुदान मिळण्यासाठी विहित नमुन्यातील फॉर्म व त्यासोबत 

आधारकार्ड, बँक पासबुक व सातबारा उतारा झेरॉक्स प्रत तलाठ्यांकडे जमा करावीत. तालुक्यातील ७५ हजार ९४६ शेतकऱ्यांच्या खात्यावर ११६ कोटी ९६ लाख २९ हजार ०५३ रुपयांचे दुष्काळ अनुदान जमा केले आहे.

 अद्यापही ३४ खातेदारांची ई-केवायसी करणे प्रलंबित असून त्यांना ५ लाख ४१ हजार ६७५ रुपयांचा दुष्काळ निधी प्रलंबित असल्याची माहिती तहसीलदार संतोष कणसे यांनी दिली.

तालुक्यातील बाधित झालेले क्षेत्र

सांगोला तालुक्यात खरीप हंगाम २०२३ मध्ये दोन हेक्टर मर्यादेत ४४ हजार ६७ हेक्टर जिरायती, २१ हजार ५४३ हेक्टर बागायत, 

१४ हजार १९९ हेक्टर बहुवार्षिक पिके असे ७९ हजार ८१० हेक्टरवरील पिकांचे नुकसान झाले होते. दोन ते तीन हेक्टर मर्यादेत २४ हजार ६५ हेक्टर जिरायती,

 १० हजार ३६१ हेक्टर बागायत, ५ हजार ७६७ हेक्टरवरील बहुवार्षिक पिके असे ४० हजार २९३ हेक्टर पिकांचे नुकसान झाले होते. दोन हेक्टर मर्यादेत (२२४५ - २४३४) ३ हजार ७४५ हेक्टर जिरायती, 

३ हजार ६६२ हेक्टर बागायत, ३ हजार १९४ हेक्टरवरील बहुवार्षिक पिके, असे १० हजार ६०३ हेक्टर पिकांचे नुकसान झाले होते. २ ते ३ हेक्टर मर्यादेत (२२४५-२१६७) २ हजार ९४५ हेक्टर जिरायती, १ हजार ७६१ हेक्टर बागायत, 

१ हजार २९७ हेक्टर बहुवार्षिक पिके असे ५ हजार १०४ हेक्टर पिकांचे नुकसान झाले होते. या नुकसानीपोटी शेतकऱ्यांना १५७ कोटी सात लाख ६७ हजाराचा निधी वितरणास राज्य शासनाने मान्यता दिली होती.

सांगोला तालुक्यातील ७५ हजार ९४६ शेतकऱ्यांच्या खात्यावर ११६ कोटी ९६ लाख २९ हजार ०५३ रुपयांचा दुष्काळ जमा केला आहे.

 अद्यापही ३४ खातेदारांची ई-केवायसी करणे प्रलंबित असून त्यांनी तत्काळ ई केवायसी करावी. अद्यापही कोणाला दुष्काळ निधी मिळाला नसेल तर अशा शेतकऱ्यांनी संबंधित गावच्या तलाठी कार्यालयाशी संपर्क करावा.

- संतोष कणसे, तहसीलदार, सांगोला