दुर्दैवी घटना ;दुचाकी व मालट्रक च्या अपघातामध्ये दुचाकी वरील १७ वर्षीय शालेय विद्यार्थ्यांचा मृत्यू..!
(शब्दरेखा एक्स्प्रेस न्युज संपादक संतोष साठे ९५०३४८७८१२)
सांगोला/प्रतिनिधी :- दुचाकी व मालट्रक च्या झालेल्या अपघातामध्ये दुचाकी वरील १७ वर्षीय शालेय विद्यार्थ्यांचा मृत्यू झाल्याची घटना
शनिवार दिनांक ३० रोजी सांगोला पंढरपूर रोड जवळील बायपास जवळ घडली आहे. अमर भगवंत दिघे असे अपघातामध्ये मृत्यू झालेल्या शालेय विद्यार्थ्यांचे नाव आहे.
याबाबत गावातील नागरिकांकडून मिळालेली अधिक माहिती अशी की, अमर दिघे हा विद्यार्थी सांगोल्या वरून घराकडे जाण्यासाठी निघाला असता सांगोला पंढरपूर रोड जवळील बायपास पुढील वरून वाढेगाव येथील त्यांच्या घराकडे निघाला होता.
बायपास जवळ मालट्रकची दुचाकीला धडक झाली आणि हा अपघात घडला असल्याचे गावातील नागरिक सांगत आहेत.
यामध्ये अपघातानंतर बंडू निवृत्ती दिघे यांनी १०८ अॅम्बुलन्स ने उपचाराकरिता सांगोला ग्रामीण रुग्णालयात दाखल केले असता, तेथील डॉक्टरांनी उपचारापूर्वीच तो मयत आला असल्याचे सांगितले.
याबाबत डॉ. उत्तम फुले यांनी खबर दिली असून त्यानुसार सांगोला पोलिसात अकस्मात मयत म्हणून नोंद करण्यात आली आहे. घटनेचा तपास पो, बनसोडे करीत आहेत.
0 Comments