सांगोला पोलीस ठाणे हददीतील मंगल कार्यालय येथील सोने चोरी तसेच ट्रॅक्टर चोरी करणा-या टोळीस जेरबंद करुन ४ लाख ९० हजार रुपये किंमतीचा मुददेमाल जप्त करण्यास सांगोला पोलीसांना यश

सांगोला पोलीस ठाणे हददीतील मंगल कार्यालय येथील सोने चोरी तसेच ट्रॅक्टर

चोरी करणा-या टोळीस जेरबंद करुन ४ लाख ९० हजार रुपये किंमतीचा मुददेमाल जप्त करण्यास सांगोला पोलीसांना यश

(शब्दरेखा एक्स्प्रेस न्युज संपादक संतोष साठे ९५०३४८७८१२)

सांगोला पोलीस ठाणे हददीत सांगोला शहर व ग्रामीण भागातील चोरी घटनांना आळा घालण्यासाठी व गुन्हे उघडकीस आणणेकरीता सांगोला पोलीस ठाणे कडील तपास 

पथक नेमुन मा. पोलीस निरीक्षक, सांगोला पोलीस ठाणे यांनी दिलेले सुचना प्रमाणे सांगोला पोलीस ठाणे कडील गु. र. नं. ९५२/२०२४ बी एन एस कलम ३०३(२) मधील मुक्ताई मंगल कार्यालय

 शिवणे ता. सांगोला येथे लग्नकार्याचे वेळी फिर्यादी विद्या अविनाश लेंडवे, रा. आंधळगांव, ता. मंगळवेढा यांचे पर्स मधून सुमारे २३ ग्रॅम वजनाचे ९०००० रुपये किंमतीचे सोन्याचे गंठण चोरी झाले बाबत गुन्हा दाखल होता.

सांगोला पोलीस ठाणे गु. र. नं. ९५२/२०२४ बी एन एस कलम ३०३ (२) मधील कडलास नाका सांगोला येथे लावण्यात आलेला फिर्यादी रविंद्र विठठल महंकाळ रा. कडलास यांचा महिंद्रा कंपनीचा ट्रॅक्टर नं, एम एच ४५ ए क्यू ६८२३ असे चोरी झाले 

बाबत सांगोला पोलीस ठाणेस अज्ञात आरोपी विरुध्द गुन्हे दाखल होते. सदरच्या घडलेल्या घटना उघडकीस आणण्याबाबत मा. पोलीस अधीक्षक श्री. अतुल कुलकर्णी यांनी

 सांगोला पोलीसांना निर्देश दिले होते या अनुशगाने सांगोला पोलीस ठाणेस वरील दाखल गुन्हयाचा तपास करीता असताना तात्रिक व सी सी टी व्ही फुटेजच्या आधारे मंगल कार्यालय येथे चोरी करणारे आरोपी हे 

सांगोला पोलीस ठाणे कडील रेकॉर्डवरील गुन्हेगार असल्याने त्याला ताब्यात घेवून त्याची विचारपूस केली असता त्याचे नांव १) नईम अमीर तांबोळी, रा. दिघंची ता. 

आटपाडी सध्या रा. कडलास रोड, खंडागळे हॉस्पीटल जवळ सांगोला, २) सुहानी पिराजी सावंत, रा. भिमनगर, सांगोला ता. सांगोला यांची नावे निष्पन्न करुन त्यातील आरोपी नईम अमीर तांबोळी यास अटक करण्यात आली आहे.

 तसेच नईम तांबोळी याने पोलीस चौकशी दरम्यान कडलास नाका सांगोला येथुन फिर्यादी रविंद्र विठठल महंकाळ रा. कडलास यांचा महिंद्रा कंपनीचा ट्रॅक्टर नं. एम एच ४५ ए क्यू ६८२३ हा त्याचा मित्र बबलु भोसले रा. परिटगल्ली,

 सांगोला, ता. सांगोला याचे सोबत मिळून चोरी केल्याचे कबुली दिल्याने आरोपी नईम तांबोळी याचेकडून सदरचा ट्रॅक्टर व सोन्याचे गंठण असा सुमारे ४,९०,०००/- रुपये किंमतीचा मुददेमाल जप्त करण्यात आलेला आहे.

सांगोला पोलीस ठाणे हददीत चोरीच्या घटना पाठीमागील काही दिवसात घडलेल्या असून पोलीस अंमलदाराची प्रभावी गस्त करण्यात येत असुन पोलीस ठाणे हददीत

 वेगवेगळ्या ठिकाणी रात्रगस्त, नाकाबंदी नेमण्यात येते यामुळे काही दिवसापासून अशा प्रकारच्या चोरीच्या घटनाना आळा बसला असुन यापुढे ही प्रभावी गस्त ठेवण्यात येणार

आहे व अजुन अशा प्रकारचे चोरी करणारे टोळींना जेरबंद करून चोरीच्या घटना उघडकीस आणणार आहे तसेच सांगोला शहर हददीतील आठवडा बाजारामध्ये मोबाईल चोरी बाबत गोलीत्र्यांनी साध्या वेशात गस्त ठेवत मोबाईल चोरी घटनावर प्रतिबंध करीत आहोत.

सदरची कामगिरी श्री. अतुल कुलकर्णी साहेब, पोलीस अधीक्षक सोलापूर ग्रामीण, श्री. प्रितमकुमार यावलकर, अप्पर पोलीस अधीक्षक सोलापूर ग्रामीण, श्री. विक्रांत गायकवाड, उपविभागीय पोलीस अधिकारी मंगळवेढा विभाग मंगळवेढा, पोनि श्री भिमराव खणदाळे यांच्या मार्गदर्शनाखाली

 पोहेका /१४१३ अस्लम काझी, पोना/१४२५ बाबासाहेब पाटील, पो.ना./४०२ वाकीटोल, पोकॉ/३३५ लक्ष्मण वाघमोडे तसेच सायबर पोलीस ठाणेकडील पोहेकॉ/०५ युसूफ पठाण यांनी मदत केली आहे.