खळबळजनक ..जत जवळ पिकअप ला आयशरची धडक सांगोला तालुक्यातील डिकसळचे १२ तरुण जखमी

खळबळजनक ..जत जवळ पिकअप ला आयशरची धडक सांगोला तालुक्यातील डिकसळचे १२ तरुण जखमी

(शब्दरेखा एक्स्प्रेस न्युज संपादक संतोष साठे ९५०३४८७८१२)

सांगोला/ विशेष प्रतिनिधी-  कोल्हापूर येथून भवानी ज्योत घेऊन येताना वाटेत थांबलेल्या पिकअपला भरधाव जाणाऱ्या आयशर टेम्पोने पाठीमागून जोराची धडक दिली. 

या अपघातात डिकसळ ता सांगोला येथील श्री लक्ष्मी देवी नवरात्र उत्सव मंडळाचे १२ तरुण जखमी झाले असून एकाची प्रकृती गंभीर असल्याने त्याच्यावर सांगली येथील खाजगी रुग्णालयात उपचार सुरू आहेत. 

यात सत्याजित विष्णू यादव(वय २०) हा गंभीर जखमी झाला आहे. ही घटना आज गुरुवार पहाटे ३ च्या सुमारास विजापूर - गुहागर मार्गावरील जांभुळवाडीपाटी 

ता कवठेमहांकाळ.जि.सांगली येथे घडली आहे.यात विजय कांबळे,आबासो पारसे,संजय जगताप,अविनाश काळे,विश्वास पाटील,चैतन्य जाधव,सचिन कारंडे,विकास करांडे यांच्यासह

 आणखी तीन जण जखमी झाले आहेत.यांच्यावर जत येथील खाजगी व ग्रामीण रुग्णालयात उपचार सुरू आहेत. मात्र अपघातानंतर तरुणांनी सकाळी ७ वा.पूर्वीच भवानी ज्योत गावात घेऊन दाखल झाले आहेत. 

डिकसळ येथील लक्ष्मी देवी नवरात्र उत्सव मंडळाचे सुमारे १३० तरुण भवानी ज्योत आणण्यासाठी बुधवारी चारचाकी दुचाकीवरुन 

कोल्हापुर येथील श्री महालक्ष्मी देवी मंदिरात गेले होते. गुरुवारी पहाटे ३ च्या सुमारास ज्योत घेऊन परत येताना पिकअप जांभुळवाडी पाटी याठिकाणी थांबली होती त्यादरम्यान नागजकडून विजापूरकडे

 जाणाऱ्या आयशर टेम्पोने पिकअपला पाठीमागून धडक दिल्याने हा अपघात घडला दरम्यान अपघात घडल्यानंतर पत्रकार नाना हालंगडे,माजी सरपंच चंद्रकांत करांडे यांनी जखमींना तातडीने उपचाराकरता दवाखान्यात नेऊन मदत केली .