खळबळजनक.. विजेचे शॉक लागून म्हैस ठार; अनेक भागात वादळी वारे, विजांच्या कडकडाटांसह जोरदार पाऊस सांगोला तालुक्यातील घटना

खळबळजनक.. विजेचे शॉक लागून म्हैस ठार; अनेक भागात

वादळी वारे, विजांच्या कडकडाटांसह जोरदार पाऊस सांगोला तालुक्यातील घटना

(शब्दरेखा एक्स्प्रेस न्युज संपादक संतोष साठे ९५०३४८७८१२)

सांगोला:- सांगोल्याला सोमवारी जोरदार वादळी पावसाने झोडपले. शहरात दुपारी हलका तर रात्री 8 वाजलेनंतर वादळी वाऱ्यासह जोरदार मुसळधार पाऊस झाला.

 दरम्यान अनेक भागात वादळी वारे, विजांच्या कडकडाटांसह जोरदार पाऊस झाला.

 वादळी वारे व पावसामुळे सांगोला तालुक्यातील नाझरे सह अनेक गावात मोठ्या प्रमाणात नुकसान झाले असल्याची प्राथमिक माहिती समोर येत आहे.

सांगोला तालुक्यातील सरगरवाडी येथे दि.19/8/2024 रोजीच्या वादळी वारे व पावसामुळे विजेचे शॉक लागून श्री. सिकंदर मौला नदाफ यांची म्हसीचा मृत्यू झाला. त्याचप्रमाणे मौजे- सरगरवाडी येथे रोजीच्या वादळी वारे व 

पावसामुळे श्री. विजयकुमार जाविर यांचे जनावराच्या गोठ्याचे नुकसान झाले आहे. तसेच मौजे- नाझरे येथे वादळी वारे व पावसामुळे श्री. रामचंद्र निवृत्ती आडसुळ यांचे राहत्या घरावर व टेम्पो या वाहनावर झाड पडून नुकसान झाले आहे.

वादळी वाऱ्याने अनेकांचे संसार उघड्यावर पडले असून नुकसानग्रस्तांचे तातडीने पंचनामे करुन संबंधितांना नुकसान भरपाई द्यावी, अशी मागणी केली जात आहे.