सांगोला शहरात अघोषित लोड शेडिंग दुरुस्तीच्या नावाखाली तासंतास वीज पुरवठा खंडित

सांगोला शहरात अघोषित लोड शेडिंग दुरुस्तीच्या नावाखाली तासंतास वीज पुरवठा खंडित

(शब्दरेखा एक्सप्रेस न्यूज संपादक संतोष साठे ९५०३४८७८१२)

सांगोला (प्रतिनिधी):-सांगोला शहरात दिवसेंदिवस उकाडा वाढत आहे दुपारच्या वेळेत नागरिक घराबाहेर पडणे टाळत 

असून यामुळे रस्त्यावर वाहनांची संख्याही कमी झाली आहे त्यातच दुपारच्या वेळेत होणाऱ्या दुरुस्तीसाठी अघोषित भारनियमनामुळे वीजपुरवठा खंडित होत 

असल्याचा दावा महावितरण कडून करण्यात येत असला तरी महावितरणच्या कार्यप्रणालीवर ग्राहकांनीनाराजी दर्शविली आहे. 

सांगोला शहरातील काही भागात सकाळपासून ते दुपारी चार वाजेपर्यंत वीज पुरवठा खंडित करण्यात यतो तसेच रात्री अपरात्री देखील वारंवार वीजपुरवठा खंडित होतो याबाबत नागरिकांनी विचारणा केली 

असता एक तासात वीज पुरवठा सुरू होणार असल्याचे त्यांना सांगण्यात येते मात्र तासंतास वीस पुरवठा सुरळीत होत

नसल्याने स्थानिक नागरिकांतून नाराजी व्यक्त होऊ लागली आहे उन्हाळ्याच्या सुरुवातीलाच तापमानाने विक्रमी आकडा गाठला आहे अशा स्थितीत अंगाची काहीली होत

 असताना शहरासह परिसरात सातत्याने वीज पुरवठा खंडित होण्याचे प्रकार अधिक वाढले आहेत दरवर्षी उन्हाळ्यात विजेची मागणी आणि पुरवठा यात तफावत होत 

असल्याने भार नियमन होत असते. यंदा मात्र परिस्थिती अशी नसून मागणी इतकाच पुरवठा करण्यात आल्याने अद्याप तरी भारनियमन झालेले नाही 

परंतु वारंवार आणि अधिक वेळपर्यंत वीज पुरवठा खंडित राहत असल्याने या अघोषित भारनियमनामुळे नागरिकांमध्ये संभ्रम निर्माण झाला आहे.

चौकट 

कर्मचारी देतात उडवा उडवीची उत्तरे. सांगोला येथे विजेचा लपंडाव सुरू असून पावसाचे चार थेंब आले

 की तासंतास वीज पुरवठा खंडित होतो तर नागरिकांना होत असलेल्या गैर सोयीसाठी महावितरण कार्यालयास लाईट कधी येणार? 

अशी विचारणा करण्यासाठी फोन केला असता कर्मचारी फोन उचलून नागरिकांच्या प्रश्नाचे उत्तर देण्याची तसदी सुद्धा घेत नाहीत यावर देखील वरिष्ठ अधिकाऱ्यांनी तात्काळ दाखल घेण्याची गरज आहे.

रात्रीही वारंवार वीज पुरवठा खंडित.!

दिवसभर वेळी अवेळी खंडित होणाऱ्या वीज पुरवठ्यास दुरुस्तीचे कारण महावितरण कडून पुढे केले जात आहे परंतु रात्री कोणत्याही वेळेत वीज प्रवाह खंडित होण्याचे प्रकार देखील गेल्या आठवड्यापासून वाढले आहेत याला कोण जबाबदार ? म्हणजेच महावितरण कडून एक प्रकारे अघोषित भारनियमन च सुरू झाल्याचे म्हणावे लागेल सांगोला शहरातील नागरिकांची रात्री अप रात्री वीज पुरवठा खंडित होत असल्याने महावितरणच्या कामकाजाविषयी नाराजी व्यक्त होऊ लागली आहे.