धक्कादायक.. माढ्यात मोठा ट्विस्ट; भाजपा उमेदवार रणजीतसिंह नाईक निंबाळकरांना घरातूनच विरोध!
माढा लोकसभा मतदारसंघाकडे राज्याचं लक्ष लागलं आहे. माढा लोकसभा मतदारसंघातून
भाजपकडून निवडणूक लढवण्यासाठी धैर्यशील मोहिते पाटील इच्छूक होते,
मात्र भाजपकडून रणजीतसिंह नाईक निंबाळकर यांना उमेदवारी देण्यात आली आहे.
रणजीतसिंह नाईक निंबाळकर यांना भाजपानं उमेदवारी जाहीर केल्यानं नाराज झालेल्या धैर्यशील मोहिते पाटील यांनी राष्ट्रवादी शरदचंद्र पवार पक्षात प्रवेश केला.
महाविकास आघाडीकडून धैर्यशील मोहिते पाटील यांना माढ्यातून उमेदवारी देखील देण्यात आली. माढा लोकसभा मतदारसंघात दररोज ट्विस्ट येत आहे. आता पुन्हा एकदा मोठी बातमी समोर आली आहे.
भाजपा उमेदवार रणजीतसिंह नाईक निंबाळकर यांना घरातूनच विरोध होत आहे. त्यामुळे रणजीतसिंह नाईक निंबाळकर यांच्या अडचणी वाढण्याची शक्यात आहे.
रणजीतसिंह यांची भावकी असणारे आमदार रामराजे निंबाळकर , रघुनाथ राजे यांचा रणजीतसिंह यांना विरोध आहे.
तर दुसरीकडे आता रामराजे यांच्या बहिण सुभद्राराजे नाईक निंबाळकर यांनीही नुकताच करमाळा येथे जाऊन धैर्यशील मोहिते पाटील यांना पाठिंबा दिला आहे.
विशेष म्हणजे फलटण येथील 40 आजी माजी नगरसेवकांचाही मोहिते पाटील यांना पाठिंबा असल्याचं सुभद्राराजे नाईक निंबाळकर यांनी म्हटलं आहे. आमदार रामराजे निंबाळकर , रघुनाथ राजे यांचा रणजीतसिंह नाईक निंबाळकर यांना विरोध आहेच
मात्र आता सुभद्राराजे यांचाही विरोध रणजीतसिंह नाईक निंबाळकर यांना पत्कारावा लागणार आहे. तर दुसरीकडे मात्र मिळत असलेल्या पाठिंब्यामुळे धैर्यशील मोहिते पाटील यांना ही निवडणूक आणखी सोपी झाली आहे.
0 Comments