ब्रेकिंग न्यूज..एन्काऊंटर स्पेशालिस्ट प्रदीप शर्माला जन्मठेपेची शिक्षा

ब्रेकिंग न्यूज..एन्काऊंटर स्पेशालिस्ट प्रदीप शर्माला जन्मठेपेची शिक्षा

एन्काऊंटर स्पेशालिस्ट प्रदीप शर्माला जन्मठेपेची शिक्षा सुनावण्यात आली आहे. 2006 साली झालेल्या लखनभैय्या फेक एन्काऊंटर प्रकरणात शर्मा 

यांना दोषी ठरवत जन्मठेपेची शिक्षा सुनावली आहे. न्यायमूर्ती रेवती मोहिते-डेरे आणि न्यायमूर्ती गौरी गोडसे यांच्या खंडपीठाने हा निकाल दिला आहे.

 मुळचा वसईचा असलेला राम नारायण गुप्ता उर्फ लखनभैया हा गँगस्टर अंडरवर्ल्ड डॉन छोटा राजन याचा जवळचा सहकारी होता.

 मुंबईत तो छोटा राजनसाठी काम करायचा. शर्मा यांच्या टीमकडून लखनभैयाला ‘अनिल भेडा’ या व्यक्तीसोबत नवी मुंबईतल्या वाशी येथून उचलण्यात आले.

 त्यानंतर त्याच दिवशी संध्याकाळी मुंबईतल्या वर्सोव्यातील नाना नानी पार्कमध्ये लखनभैयाचे एनकाऊंटर करण्यात आले. हे एनकाऊंटर 2006 मध्ये करण्यात आले होते.

 लखन भैय्याच्या एनकाऊंटरनंतर चारच दिवसात लखन भैय्याच्या भावाने बॉम्बे हाय कोर्टात धाव घेतली आणि हे एनकाऊंटर नसून लखन भैय्याचा थंड डोक्याने खून करण्यात आला आहे, असा आरोप केला. 

या साऱ्या प्रकरणाची जेव्हा 2013 मध्ये चौकशी करण्यात आली तेव्हा असे आढळले की, लखनभैय्या याच्यावर पॉईंट ब्लँक रेंजवरुन गोळी झाडण्यात आली

 आणि त्याचा खून करण्यात आला. एनकाऊंटर स्पेशालिस्ट शर्मा हे या पथकाचे प्रमुख होते. याचिकाकर्ते राम प्रसाद गुप्ता यांच्यावतीने वकील युग मोहित चौधरी यांनी युक्तिवाद केला. 

2006 मध्ये लखनभैय्याचा एन्काऊंटर हा सुनियोजित कट होता. ही चकमक बनावट होती आणि ती लपवण्यासाठी पोलिसांनी खोटे पुरावे तयार केले होते.