प्रा.डॉ.संदीप वाकडे यांना “इंडियन टॅलेंट अवॉर्ड” २०२३ पुरस्कार जाहीर एस. एम. जोशी कॉलेजच्या शिरपेचात मानाचा तुरा

 प्रा.डॉ.संदीप वाकडे यांना “इंडियन टॅलेंट अवॉर्ड” २०२३ पुरस्कार जाहीर

एस. एम. जोशी कॉलेजच्या शिरपेचात मानाचा तुरा 

(शब्दरेखा एक्सप्रेस न्यूज नेटवर्क सांगोला संपादक संतोष साठे ९५०३४८७८१२)

शिरभावी :-     इंदापूर तालुक्यातील निरगुडे गावचे  सुपुत्र व एस. एम. जोशी कॉलेजचे सहाय्यक प्राध्यापक  प्रा.डॉ.संदीप वाकडे  यांना “इंडियन टॅलेंट अवॉर्ड” २०२३ पुरस्कार नुकताच जाहीर झाला आहे . टॅलेंट कट्टा या संस्थेकडून  देण्यात येणाऱ्या पुरस्काराची घोषणा करण्यात आली आहे.

 शैक्षणिक, सामाजिक,  साहित्य  व इतर क्षेत्रातील केलेल्या कार्याची दखल घेऊन टॅलेंट कट्टा या संस्थेकडून  देण्यात येणारा चालू वर्षातील  “इंडियन टॅलेंट अवॉर्ड”  २०२३ पुरस्कार प्रा.डॉ.संदीप वाकडे  यांना नुकताच जाहीर करण्यात आला आहे . 

टॅलेंट कट्टा या संस्थेच्या निवड समितीने प्रा.डॉ.संदीप वाकडे  यांची या पुरस्कारासाठी निवड केली आहे. त्यांची या पुरस्कारासाठी निवड झाल्याने एस. एम. जोशी कॉलेजच्या व निरगुडे गावच्या शिरपेचात मानाचा तुरा रोवला गेला आहे . 

  प्रा.डॉ.संदीप वाकडे यांचे शिक्षण बी.ए, एम.ए, एम.फील, पी.एच.डी असे झाले असून त्यांनी सावित्रीबाई फुले पुणे विद्यापीठातून मराठी कादंबरीतून आलेले होळकर राजघराण्याचे चित्रण  ( मल्हारराव होळकर,

 अहिल्याबाई होळकर, यशवंतराव होळकर ) हा विषय घेऊन पी.एच.डी पूर्ण केलेली आहे. “जग बदल घालूनि घाव एकनाथ आवाड यांचे आत्मकथन: एक अभ्यास” या विषयावर एम.फिल. पदवीही प्राप्त केलेली आहे. तसेच त्यांनी

 “निवडक मराठी साहित्यकृतीतून अभिव्यक्त होणारा धनगर समाज एक अभ्यास” सदर विषयावरती मायनर रिसर्च प्रोजेक्टही केलेला आहे.  तसेच त्यांना भारत सरकारचे समूह संवाद व सहयोग या सदरील संशोधनासाठी जागतिक स्तरावरील पेटंट प्राप्त झालेले आहे . 

तसेच त्यांच्या अनेक शोधनिबंधांना ग्रंथ व जर्नल मध्ये लेखन प्रसिद्धीही मिळालेली आहे. तसेच त्यांचे नामांकित वृत्तपत्रांमधून अनेक संपादकीय लेख प्रकाशित झालेले आहेत. तसेच त्यांनी शिक्षण क्षेत्रातील अनेक भूमिका योग्य प्रकारे पार पाडलेल्याआहेत.   शैक्षणिक,सामाजिक, 

साहित्य  व इतर क्षेत्रात उल्लेखनीय कामगिरी केल्याबद्दल अत्यंत महत्त्वाचा व प्रतिष्ठित समजला जाणारा पुरस्कार जाहीर झाला असल्याची माहिती टॅलेंट कट्टा या संस्थेचे संस्थापक अध्यक्ष श्री. दिपक जाधव यांच्या कडून निवड पत्राद्वारे देण्यात आली आहे .

   टॅलेंट कट्टा या संस्थेकडून समाज, संस्कृती, यांचे संवर्धन व लोकशाही विचारांना एकत्र करणारा आणि जगण्याला ध्येय बनवणार्‍या ऐतिहासिक गुणवत्तेच्या सर्वश्रेष्ठ मान्यवरांचा सन्मान सोहळा आयोजित करण्यात आला आहे. 

पुरस्कार प्रेरणा देतात, प्रेरणेने राष्ट्र मोठे होते ! या ब्रीदवाक्यानुसार हा पुरस्कार वितरण सोहळा आयोजित करण्यात आला आहे .  या पुरस्कार वितरण सोहळ्यामध्ये अनेक प्रतिष्ठित मान्यवरांना “इंडियन टॅलेंट अवॉर्ड”  देऊन त्यांचा

 यथोचित सन्मान टॅलेंट कट्टा या संस्थेकडून  करण्यात येणार आहे . समाजाच्या सर्वांगीण विकासासाठी निस्वार्थी भावनेने  विविध क्षेत्रात उल्लेखनिय कार्य केलेल्या व्यक्तिंना पुरस्कार देऊन गौरविले जाणार आहे. टॅलेंट कट्टा या संस्थेकडून  देण्यात येणाऱ्या

 “इंडियन टॅलेंट अवॉर्ड” २०२३ पुरस्कारासाठी प्रा.डॉ.संदीप वाकडे  यांची त्यांच्या कार्याची दखल घेऊन  निवड करण्यात आली आहे. टॅलेंट कट्टा या संस्थेकडून या पुरस्कारासाठी त्यांची निवड करण्यात आली आहे ही खरोखरच खूप अभिमानाची व कौतुकास्पद बाब आहे .

 तसेच त्यांना या कार्यक्रमात मा.श्री. मेघराज राजेभोसले अध्यक्ष – अखिल भारतीय मराठी चित्रपट महामंडळ, सुप्रसिद्ध अभिनेत्री आर्या घारे यांच्या शुभहस्ते हा पुरस्कार देऊन  गौरव करण्यात  येणार आहे .

         प्रा.डॉ.संदीप वाकडे  यांची शैक्षणिक, सामाजिक, साहित्यिक व इतर क्षेत्रातील कामगिरी पाहून त्यांची या पुरस्कारासाठी निवड केली आहे . प्रा.डॉ.संदीप वाकडे  यांना या अगोदर राज्यस्तरीय आदर्श साहित्यसेवक भाषा गौरव पुरस्कार २०२३ हा पुरस्कार मिळालेला आहे  . 

तसेच त्यांना माणुसकी मल्टीपर्पज फाउंडेशन महाराष्ट्र राज्य यांच्यावतीने “राज्यस्तरीय माणुसकी भूषण गौरव समाजरत्न पुरस्कार २०२३” सन्मानीत करण्यात आले.  या पुरस्काराचे स्वरूप सन्मानचिन्ह, गौरवपत्र, मेडल, फेटा, श्रीफळ असे आहे. 

सदर पुरस्कार वितरण सोहळा वार रविवार दि. 8 ऑक्टोंबर, 2023 रोजी सकाळी 10.00 ते 1.00 या वेळेत स्थळ : पत्रकार भवन सभागृह, गांजवे चौक, नवी पेठ, पुणे या ठिकाणी पार पडणार आहे . अशी माहिती टॅलेंट कट्टा या संस्थेचे संस्थापक अध्यक्ष श्री. दिपक जाधव यांच्याकडून देण्यात आली आहे. 

प्रा.डॉ.संदीप वाकडे  यांना “इंडियन टॅलेंट अवॉर्ड” २०२३ हा पुरस्कार जाहीर झाल्यानंतर त्यांना त्यांच्या कुटुंबियांकडून, कॉलेज कडून, ग्रामस्थांकडून शुभेच्छा दिल्या जात आहेत व इतर  सर्व स्तरातून कौतुक केले जात आहे तसेच त्यांच्या वरती अभिनंदनाचा वर्षाव केला जात आहे .