ब्रेकिंग! शूटिंगदरम्यान संजय दत्तचा पुन्हा भीषण अपघात
अभिनेता संजय दत्त सध्या दाक्षिणात्य चित्रपटसृष्टीमध्ये सक्रिय असल्याचे पाहायला मिळते.
लवकरच त्याचा 'डबल इस्मार्ट' हा चित्रपट प्रेक्षकांच्या भेटीला येणार आहे. या चित्रपटाच्या चित्रीकरणादरम्यान संजयचा भीषण अपघात झाला आहे.
या अपघातामध्ये त्याच्या डोक्याला टाके पडले आहेत. या चित्रपटाचे बँकॉकमध्ये चित्रीकरण सुरु आहे. तलवारबाजीचा सीन शूट करत असताना संजयचा अपघात झाला आहे.
त्याच्या डोक्याला टाके पडले आहेत. त्याला तातडीने रुग्णालयात दाखल करण्यात आले. मात्र, संजयने उपचार घेतल्यानंतर शुटिंग पूर्ण केले आहे. समोर आलेल्या माहितीनुसार, ही घटना गेल्या आठवड्यात घडली होती आणि आता संजय पूर्णपणे बरा आहे. हा संजयचा पहिला तेलुगू चित्रपट आहे. या चित्रपटाचे दिग्दर्शन धुरा पुरी जगन्नाध यांनी केले आहे.
त्यांचा या पूर्वीचा 'लायगर' हा चित्रपट सुपर फ्लॉप ठरला होता. संजयने 'केजीएफ चॅप्टर 2' या सिनेमाच्या माध्यमातून कन्नड सिनेसृष्टीत पदार्पण केले होते. त्यानंतर त्याचा 'लियो' हा चित्रपट तामिळ भाषेतील आहे. या चित्रपटातून तो तामिळ चित्रपटसृष्टीमध्ये पदार्पण करणार आहे.
0 Comments