ब्रेकिंग न्यूज...मोहित पाटलांचे कार्यकर्ते सध्या सोशल मीडियावर 'आमचं ठरलंय.. खासदारच'

ब्रेकिंग न्यूज...मोहित पाटलांचे कार्यकर्ते सध्या सोशल

मीडियावर 'आमचं ठरलंय.. खासदारच' 

'आमचं ठरलंय...खासदारच !' मोहिते पाटलांच्या कार्यकर्त्यांच्या सोशल मीडिया पोस्टवरून चर्चांना उधाण

सांगोला(समता नगरी न्यूज)- 'आमचं ठरलंय..खासदारच' या मोहिते पाटलांच्या कार्यकर्त्यांकडून सोशल मीडियावरील पोस्टमुळे सध्या माढा लोकसभा मतदारसंघांमध्ये भाजपच्या उमेदवारीवरुन चर्चेचा विषय ठरत आहे.

माढा लोकसभा मतदारसंघ निर्माण झाल्यापासून सुरुवातीला शरद पवारांच्या उमेदवारीपासून हा मतदारसंघ देशात प्रसिद्ध झाला आहे. सध्याच्या राजकीय पक्षांच्या विशेषतः शिवसेना, राष्ट्रवादीमधील बंडाळीमुळे पुन्हा एकदा हा मतदारसंघ लक्षवेधी ठरणार आहे.

येथे सध्या भाजपचे रणजीतसिंह नाईक निंबाळकर हे खासदार असले तरी या मतदारसंघावर कोण दावा करते हे महत्त्वाचं ठरणार आहे. परंतु भाजपचाच सत्तारूढ खासदार असल्यामुळे भाजपकडेच मतदारसंघ राहण्याची शक्यता आहे. सध्या भाजपमध्येच माढ्याचा उमेदवार कोण ? अशी परिस्थिती निर्माण झाली आहे.

गेल्या वेळी भाजपच्या उमेदवाराला आपल्या तालुक्यातून मोठे मताधिक्यांचे पाठबळ देणारे मोहिते पाटलांचे कार्यकर्ते सध्या सोशल मीडियावर 'आमचं ठरलंय.. खासदारच' 

अशा आशयाची पोस्ट धैर्यशील मोहिते पाटील यांचे फोटो टाकून करीत आहेत. त्यामुळे या मतदारसंघात धैर्यशील मोहिते पाटील पुन्हा एकदा प्रबल दावेदार ठरू शकतील काय अशी परिस्थिती निर्माण झाली आहे.

मोहिते पाटील व खासदार रणजितसिंह मोहिते - पाटील यांचे पक्षांतर्गत असणारे 'सख्य' काही लपून राहिले नाही. त्यातच मोहिते पाटलांचे विविध तालुक्यातील कार्यकर्त्यांच्या या पोस्टमुळे सध्या माढा भाजपचा उमेदवार कोण असेलच ? यावर चर्चा सुरू झाली आहे.

माढा मतदारसंघ भाजपसाठी सुरक्षित होत असला तरी या मतदारसंघात उमेदवारीवरून पुन्हा एकदा चर्चांना उधाण आले आहे. 

थंड असलेल्या मोहिते पाटलांचे कार्यकर्ते सध्या सोशल मीडियावर वेगवेगळ्या कमेंट टाकून उमेदवारीची रंगत वाढवीत आहेत. परंतु वेगवेगळ्या पक्षीय, युत्या - आघाड्या यावरूनच या मतदारसंघातील उमेदवार ठरविला जाईल.

भाजपला सुरक्षित मतदारसंघ होतंय -

माढा मतदारसंघात भाजपचे रणजीतसिंह नाईक निंबाळकर खासदार आहेत. सध्याच्या राजकीय परिस्थितीमध्ये शिवसेनेतील एकनाथ शिंदे व राष्ट्रवादीमधील अजित पवार यांच्या बंडामुळे येथील उमेदवारीकडे सर्वांचे लक्ष लागले आहे.

भाजप, एकनाथ शिंदे यांची शिवसेना व अजित पवारांची राष्ट्रवादी लोकसभा निवडणुकीसाठी अशीच एकत्रित निवडणूक लढविली तर माढा मतदारसंघातील तिन्ही पक्षातील आमदारांचा विचार करतात भाजपसाठी हा सुरक्षित मतदारसंघ होईल. 

परंतु राजकारणात कधी काही होईल हेही सांगता येत नसल्याचीही चर्चा मतदारांमधून होत आहे. सध्यातरी 'आमचं ठरलंय..' हा चर्चेचा विषय सुरू झाला आहे.