सोलापूर जिल्हा परिषदेत तुकाराम मुंडे पॅटर्नचा धसका! कामचुकार कर्मचारी रडारवर, सुटीच्या दिवशी सुरु झाली साफसफाई

 सोलापूर जिल्हा परिषदेत तुकाराम मुंडे पॅटर्नचा धसका!

कामचुकार कर्मचारी रडारवर, सुटीच्या दिवशी सुरु झाली साफसफाई

सोलापूर जिल्हा परिषदेच्या मुख्य कार्यकारी अधिकारी मनीषा आव्हाळे यांचा चांगलाच धसका कर्मचाऱ्यानी घेतला आहे. कामचुकार कर्मचाऱ्यांचे धाबे दणाणले असून सध्या ते रडावर आले आहेत. यासंदर्भातील यादीचं त्यांनी प्रशासनाकडून मागवून घेतली आहे.

सोलापूर  (समता नगरी न्यूज ) सोलापूर जिल्हा परिषदेच्या मुख्य कार्यकारी अधिकारी म्हणून नुकत्याच रुजू झालेल्या मनीषा आव्हाळे यांचा चांगलाच धसका कर्मचाऱ्यानी घेतला आहे. कामचुकार कर्मचाऱ्यांचे धाबे दणाणले असून सध्या ते रडावर आले आहेत. यासंदर्भातील यादीचं त्यांनी प्रशासनाकडून मागवून घेतली आहे.

शनिवारी मनीषा आव्हाळे यांनी सीईओंचा पदभार स्वीकारल्या नंतर त्या लागलीचं कामाला सुरूवात केली. कडक शिस्तीच्या असल्याची त्यांची ओळख आहे.

 प्रशासन डेप्युटी सीईओ इशाधीन शेळकंदे यांच्याकडून झेडपीची पूर्ण माहीती मागवून घेतली. नेमून दिलेले काम वेळेत का पुर्ण होत नाही असा सवाल सीईओ आव्हाळे यांनी उपस्थित केला.

रविवारी सकाळच्या सुमारास लोकमान्य टिळक यांना अभिवादन करण्यासाठी सीईओ आव्हाळे सभागृहात आल्या.त्यांचे स्वागत संयोजकांकडून होत असताना 'नो भाषण नो बुके 'असे म्हणत त्यांनी प्रशासकीय कामकाजाला महत्व दिले. अभिवादना नंतर त्यांनी मुख्याललाची पाहणी केली. 

मुख्यालयातील घाण पाहून त्या संतापल्या.एका तासात सर्व कार्यालय आणि मुख्यालय परिसर स्वच्छ करा अन्यथा कारवाईला सामोरे जा असा इशाराचं त्यांनी दिला. त्यांच्या इशाऱ्या नंतर लागलीचं स्वच्छता मोहीम हाती घेण्यात आली.

सूटीच्या दिवशी ही सीईओ मनीषा आव्हाळे यांनी कामकाजाचा सपाटा लावला आहे. प्रलंबीत कामांची यादीचं त्यांनी मागवून घेतली आहे.

 या पूर्वी मनीषा आव्हाळे यांच्याकडे सीईओपदाचा प्रभारी पदभार असताना त्यांनी जल जीवनचे काम अल्पवधी काळात पोलिस बंदोबस्तात पूर्णत्वाकडे नेले होते. जल जीवनच्या टेंडर वरून उडणारा गोंधळ त्यांनी शांत केला होता.

विभाग प्रमुखांच्या मर्जीतील कर्मचाऱ्यांची उचलबांगडी करण्यात येणार आहे. वर्षा वर्षे एकाचं कार्यालयातील टेबलावर ठाण मांडून बसणाऱ्या बदली होऊन ही सीईओं चा आदेश न मानणाऱ्या कर्मचाऱ्यांवर कारवाई करण्यात येणार आहे.