आनंदाची बातमी... दिव्यांगांचाही प्रवास आता आरामदायी; कोणत्याही एसटीने करा मोफत प्रवास

आनंदाची बातमी... दिव्यांगांचाही प्रवास आता

आरामदायी; कोणत्याही एसटीने करा मोफत प्रवास

सांगोला प्रतिनिधी :- (समता नगरी न्यूज नेटवर्क सांगोला )आराम, निमआराम एसटी बसनेही आता दिव्यांगांना मोफत प्रवास करता येणार आहे. याबाबत राज्य परिवहन परिपत्रक देखील काढले आहे. 

दिव्यांग महामंडळाने समितीद्वारे या निर्णयाचे स्वागत करण्यात आले आहे. शिंदे - फडणवीस सरकारने यापूर्वी ७५ वर्षावरील ज्येष्ठ नागरिकांना मोफत एसटी प्रवास, महिलांना सरसकट अर्धे तिकीट हे दोन निर्णय घेतले होते, 

त्यानंतर दिव्यांगांनादेखील राज्यभर मोफत प्रवासाचा निर्णय घेण्यात आला आहे. विशेष म्हणजे कोणत्याही एसटीने (आराम,निमआराम) दिव्यांग मोफत प्रवास करू शकणार आहेत.

दिव्यांगत्वाचे वेगवेगळे प्रकार आहेत. त्यात काही प्रकारासाठी सातत्याने उपचार करावे लागतात.त्यामध्ये सिकलसेल एचआयव्ही बाधित, डायलेसिस व हिमोफेलिया यासारख्या प्रकारांचा समावेश होतो. राज्यातील अशा रुग्णांना विविध आरोग्य सेवा आणि उपचारासाठी नियमितपणे जिल्हा रुग्णालय, 

उपजिल्हा रुग्णालय तसेच वैद्यकीय महाविद्यालयांमध्ये जावे लागते.यामुळे त्यांचा प्रवास खर्च वाढतो. विचार करून या रुग्णांना मदतीचा हात मिळावा म्हणून राज्य शासनाने महाराष्ट्र राज्य परिवहन महामंडळाच्या बसमार्फत मोफत प्रवासाची योजना लागू केली आहे. 

आरोग्य विभागानेही मानले 'परिवहन'चे आभार

सिकलसेल, एचआयव्ही बाधित, डायलेसिस आणि हिमोफेलिया या रुग्णांना आता एसटी महामंडळाच्या बसने मोफत प्रवास करण्याचीपरवानगी देण्यात आली आहे. 

राज्य शासनाच्या या निर्णयामुळे रुग्णांना (दिव्यांग) विनामूल्य प्रवास सवलत मिळाली आहे. या रुग्णांना मोलाचीमदत होणार आहे. यासाठी सार्वजनिक आरोग्य विभागाने परिवहन मंडळाचे आभार मानले आहेत.